പാടിയോട്ടുചാൽ സെന്റ് സെബാസ്റ്റ്യൻസ് പള്ളി തിരുന്നാളിന് ഇടവക വികാരി ഫാ. മാത്യു കല്ലുങ്കൽ കൊടിയേറ്റുന്നു.
ചെറുപുഴ: പാടിയോട്ടുചാൽ സെന്റ് സെബാസ്റ്റ്യൻസ് പള്ളിയിൽ തിരുനാളിനു തുടക്കമായി. ഇടവക വികാരി ഫാ. മാത്യു കല്ലുങ്കൽ കൊടിയേറ്റി തിരുസ്വരൂപ പ്രതിഷ്ഠയ്ക്കും വെഞ്ചരിപ്പിനും കാർമികത്വം വഹിച്ചു. തുടർന്നു നടന്ന തിരുക്കർമങ്ങൾക്ക് ഫാ. ജോസഫ് കോയിപ്പുറം, ഫാ.എയ്ഷൽ ആനക്കല്ലിൽ എന്നിവർ കാർമികത്വം വഹിച്ചു. 16 വരെ എല്ലാ തിരുനാൾ ദിവസങ്ങളിലും വൈകുന്നേരം നാലിന് നടക്കുന്ന തിരുക്കർമങ്ങൾക്ക് ഫാ. മാർട്ടിൻ കുര്യൻ മാമ്പുഴയ്ക്കൽ, ഫാ.തോമസ് ചിന്താർമണിയിൽ, ഫാ.ജോർജ് മാപ്പിളപ്പറമ്പിൽ, ഫാ. നിധിൻ പൂകമല, ഫാ.ജിതിൻ വയലുങ്കൽ എന്നിവർ കാർമികത്വം വഹിക്കും.
17ന് ഉച്ചകഴിഞ്ഞു 3.30ന് ദിവ്യകാരുണ്യ ആരാധന ജപമാല സമർപ്പണം, പ്രസുദേന്തി സമർപ്പണം എന്നിവ നടക്കും. 4.30ന് ആഘോഷമായ തിരുനാൾ കുർബാന, തിരുനാൾ വചനസന്ദേശം, നൊവേന എന്നിവയ്ക്ക് ഫാ.ജോളി കാക്കരമറ്റത്തിൽ കാർമികത്വം വഹിക്കും. അഞ്ചിന് നടക്കുന്ന തിരുനാൾ പ്രദക്ഷിണം, ലദീഞ്ഞ്, സമാപനാശീർവാദം എന്നിവയ്ക്ക് ഫാ.ഫിലിപ്പ് ഇരുപ്പക്കാട്ട് നേതൃത്വം നൽകും. തുടർന്നു സ്നേഹവിരുന്ന്. സമാപനദിനമായ 18ന് വൈകുന്നേരം നാലിന് ദിവ്യകാരുണ്യ ആരാധന ജപമാല സമർപ്പണം, 4.30ന് ആഘോഷമായ തിരുനാൾ കുർബാന, വചനസന്ദേശം, നൊവേന എന്നിവയ്ക്ക് ഫാ.ജോഫിൻ കുരുവൻമാക്കൽ നേതൃത്വം നൽകും. രാത്രി ഏഴിന് ഗാനമേള.
Tags : festival nattuvishesham local news