മഞ്ചേരിയിൽ നടന്ന വിഷൻ കോണ്ക്ലേവ് നഗരസഭാധ്യക്ഷൻ വല്ലാഞ്ചിറ അബ്ദുൾ മജീദ് ഉദ്ഘാടനം ചെയ്യുന്നു.
മഞ്ചേരി: പയ്യനാട് സ്റ്റേഡിയം സ്വകാര്യ സ്ഥാപനത്തിന് പാട്ടത്തിന് കൊടുക്കാനുള്ള നീക്കത്തിനെതിരേ മഞ്ചേരി നഗരസഭ സംഘടിപ്പിച്ച കോണ്ക്ലേവിൽ പ്രതിഷേധം. മാറുന്ന കാലത്തിനനുസരിച്ചുള്ള വികസനം സാധ്യമാക്കാൻ വിദഗ്ധരെയും സംഘടനാ പ്രതിനിധികളെയും പങ്കെടുപ്പിച്ച് നടത്തിയ വിഷൻ കോണ്ക്ലേവിലാണ് സ്റ്റേഡിയം വിവാദമുയർന്നത്. യാത്രാ പ്രശ്ന പരിഹാരം, റോഡ് വികസനം, മഞ്ചേരി പയ്യനാട് സ്റ്റേഡിയം വിപുലീകരണം തുടങ്ങിയ വിഷയങ്ങളിലും കോണ്ക്ലേവിൽ ചർച്ചയുണ്ടായി. നഗരസഭാധ്യക്ഷൻ വല്ലാഞ്ചിറ അബ്ദുൾ മജീദ് ഉദ്ഘാടനം ചെയ്തു.
വൈസ് ചെയർപേഴ്സണ് അഡ്വ. ബീന ജോസഫ് അധ്യക്ഷത വഹിച്ചു. സ്ഥിരം സമിതി അധ്യക്ഷരായ സക്കീർ വല്ലാഞ്ചിറ, എം.വി. അബൂബക്കർ, കെ.പി. ഉമ്മർ, ഷാനിബ ഫൈസൽ, റിസ്വാന സാദിഖ്, ആസൂത്രണ ഉപാധ്യക്ഷൻ ഹുസൈൻ മേച്ചേരി, മെഡിക്കൽ കോളജ് സൂപ്രണ്ട് ഡോ. പ്രഭുദാസ്, പ്രതിപക്ഷ നേതാവ് നിസാറലി എന്ന കുട്ട്യാൻ തുടങ്ങിയവർ പ്രസംഗിച്ചു.
Tags : Local News Nattuvishesham Malappuram