ഇന്നലെ ആലുവ റെയിൽവേ സ്റ്റേഷനിൽ ആർപിഎഫും പോലീസും സംയുക്തമായി നടത്തിയ പരിശോധന.
ആലുവ: തിരുവനന്തപുരത്ത് ട്രെയിനിൽ പെൺകുട്ടിക്ക് നേരെയുണ്ടായ അക്രമത്തിന്റെ പശ്ചാത്തലത്തിൽ സംസ്ഥാനമെട്ടാകെ റെയിൽവെ സ്റ്റേഷനുകളിൽ റെയിൽവേ പോലീസിന്റെയും കേരള പോലീസിന്റെയും സംയുക്ത പരിശോധകൾ നടത്തി. ഇതിന്റെ ഭാഗമായി ആലുവ റെയിൽവേ സ്റ്റേഷനിലും പരിശോധന നടത്തി.
ഇൻസ്പെക്ടർ വേണുവിന്റെയും ഇ.കെ. അനിൽ കുമാറിന്റെയും നേതൃത്വത്തിലായിരുന്നു ട്രെയിനുകളിലും പ്ലാറ്റ്ഫോമുകളിലും പരിശോധന. സംശയകരമായി കണ്ടവരുടെ ബാഗേജുകൾ പരിശോധിച്ചു.
ഇതര സംസ്ഥാന തൊഴിലാളികൾ ഏറ്റവും കൂടുതൽ എത്തുന്ന വിവേക് എക്പ്രസിൽ വന്നിറങ്ങിയ യാത്രക്കാരുടെ ബാഗേജുകൾ പരിശോധിച്ചു. യാത്രക്കാർക്കെതിരേ നടക്കുന്ന അതിക്രമങ്ങൾ തടയാൻ ട്രെയിനുകളിലും പ്ലാറ്റ്ഫോമുകളിലും പരിശോധന തുടരുമെന്നും പോലീസ് പറഞ്ഞു.
Tags : Railway Local News Ernakulam Nattuvishesham