കൂടരഞ്ഞി: ആദിവാസി വിഭാഗത്തിൽപ്പെട്ട ഏഴാം ക്ലാസ് വിദ്യാർഥിയെ വീട്ടിൽ കയറി മർദിച്ചതായി പരാതി. ഇന്നലെ രാവിലെ 11 ഓടെയാണ് സംഭവം. അതേ സ്കൂളിൽ പഠിക്കുന്ന പെരുമ്പൂള സ്വദേശിയായ പ്ലസ്ടു വിദ്യാർഥി വീട്ടിൽ കയറി മർദിക്കുകയായിരുന്നു.
കൊളപ്പാറക്കുന്നിൽ കോതേരി ക്വാട്ടേഴ്സിൽ എത്തിയാണ് ആക്രമിച്ചത്. ചെരുപ്പ് മാറി ധരിച്ചതാണ് തർക്കത്തിന് കാരണമെന്ന് മർദനമേറ്റ വിദ്യാർഥി പറഞ്ഞു. നെഞ്ചിനും മുഖത്തും പരിക്കുണ്ട്. അമ്മ പിടിച്ചു മാറ്റിയതുകൊണ്ട് കൂടുതൽ പരിക്കേൽക്കാതെ വിദ്യാർഥി രക്ഷപ്പെട്ടു. തിരുവമ്പാടി പോലീസ് അന്വേഷണം ആരംഭിച്ചു.