തൃശൂർ: കേരളപ്പിറവിദിനത്തിൽ മലയാളകവിതകൾക്കു മോഹിനിയാട്ട ആവിഷ്കാരവുമായി സൂര്യകാന്തി സംഗീതനൃത്തസഭയുടെ മോഹിനിയാട്ട രംഗവേദിയായ സപര്യ.
"കാവ്യാനുഭൂതി'യെന്ന പേരിൽ നാളെ വൈകീട്ട് അഞ്ചിനു റീജണൽ തിയറ്ററിലാണ് പരിപാടി. കവി കെ. സച്ചിദാനന്ദന്റെ "മീര പാടുന്നു', സുഗതകുമാരിയുടെ "കൃഷ്ണ നീ എന്നെ അറിയില്ല', ജി. ശങ്കരക്കുറുപ്പിന്റെ 'സുര്യകാന്തി' കവിതകൾക്കു യഥാക്രമം കലാമണ്ഡലം ഡോ. നിഖില വിനോദ്, മഹാലക്ഷ്മി അനൂപ്, മീര ശ്രീനാരായണൻ എന്നിവരും ഇടശേരിയുടെ "പൂതപ്പാട്ട്' അവതരണത്തിൽ കാവ്യദീപക്, അരുണിമ പ്രമോദ്, കലാമണ്ഡലം റിയ രാജ്, നന്ദന ബി.പണിക്കർ, അഞ്ജലി വി. കൃഷ്ണ, അപൂർവ, ഹരിനന്ദ, ഗൗരിനായർ, നന്ദിത സരേഷ് എന്നിവരും രംഗത്തെത്തും. കലാമണ്ഡലം ക്ഷേമാവതി, കലാമണ്ഡലം അക്ഷര ബിജീഷ്, കലാമണ്ഡലം നിഖില വിനോദ് എന്നിവരാണു കവിതകൾ ചിട്ടപ്പെടുത്തിയത്.
സാഹിത്യ അക്കാദമി പ്രസിഡന്റ് കെ. സച്ചിദാനന്ദൻ സാംസ്കാരികസമ്മേളനം ഉദ്ഘാടനം നിർവഹിക്കും. കരിവെള്ളൂർ മുരളി അധ്യക്ഷനാകും. ആലങ്കോട് ലീലാകൃഷ്ണൻ വിശിഷ്ടാതിഥിയാകും. ഡോ. എൻ.ആർ. ഗ്രാമപ്രകാശ്, ഫാ. തോമസ് ചക്കാലമറ്റത്ത്, പ്രഫ. ജോർജ് എസ്. പോൾ, ദീപ നിശാന്ത് എന്നിവർ പ്രസംഗിക്കും.പത്രസമ്മേളനത്തിൽ കലാമണ്ഡലം അക്ഷര ബിജീഷ്, ബിജീഷ് കൃഷ്ണ, സുധീർ തിലക്, ജി. ദീപ എന്നിവർ പങ്കെടുത്തു.
Tags : nattuvisheasham local