ഫോർട്ടുകൊച്ചി: ടോക്ക് വിത്ത് മേയർ പരിപാടിയിൽ ശാസ്ത്ര സാഹിത്യ പരിഷത്ത് ഫോർട്ടുകൊച്ചി യൂണിറ്റ് നല്കിയ നിവേദനത്തിന് ഉടനടി പരിഹാരമെന്ന് മേയർ.
കോർപ്പറേഷന്റെ കീഴിലുള്ള പടിഞ്ഞാറൻ കൊച്ചിയിലെ നാലു ലൈബ്രറികൾക്ക് പുതിയ പുസ്തകങ്ങൾ വാങ്ങാൻ അടിയന്തരമായി ഫണ്ട് അനുവദിക്കുക,
ഈ ലൈബ്രറികളിൽ സ്ഥിരം ലൈബ്രേറിയന്മാരെ നിയമിക്കുക, പള്ളുരുത്തി ലൈബ്രറിയിലെ റീഡിംഗ് റൂം കൈയടക്കി ഇപ്പോൾ പ്രവർത്തിച്ചുകൊണ്ടിരിക്കുന്ന ഡിജിറ്റൽ സർവേയുടെ ഓഫീസ് ഉടനടി അവിടെനിന്ന് മാറ്റി ലൈബ്രറിക്ക് പ്രവർത്തിക്കുവാൻ സൗകര്യമൊരുക്കുക തുടങ്ങിയ ആവശ്യങ്ങളാണ് പരിഷത്ത് ഉന്നയിച്ചത്.
കഴിഞ്ഞ എട്ട് വർഷത്തിലേറെയായി ഈ ലൈബ്രറികളിലേക്ക് പുസ്തകങ്ങൾ വാങ്ങാൻ ഒരു രൂപ പോലും കോർപറേഷൻ അനുവദിച്ചിട്ടില്ലെന്ന് ഇവർ ആരോപിച്ചു. സ്ഥിരം ലൈബ്രേറിയന്മാർ ഇല്ലാ എന്നതും ഇവയുടെ പ്രവർത്തനങ്ങൾ താറുമാറാകാൻ മറ്റൊരു കാരണമാണെന്നും നിവേദനത്തിൽ പറയുന്നു.
Tags : nattu vishesham Talk with Mayor