എടത്വ: കുട്ടനാട് താലൂക്ക് ലൈബ്രറി കൗണ്സില് ഗ്രന്ഥശാല സെമിനാറും ജനപ്രതിനിധികളെ ആദരിക്കലും വായനമത്സര വിജയികള്ക്കുള്ള സമ്മാനദാന വിതരണവും നടന്നു.
രാമങ്കരി ജുഡീഷൽ ഫസ്റ്റ് ക്ലാസ്സ് മജിസ്ട്രേറ്റ് പി. അരുണ് കുമാര് സെമിനാര് ഉദ്ഘാടനം ചെയ്തു. താലൂക്ക് ലൈബ്രറി കൗണ്സില് വൈസ് പ്രസിഡന്റ് കെ.കെ. ശശിധരന് അധ്യക്ഷത വഹിച്ചു. തുടര്ന്ന് ഇന്ത്യന് റിപ്പബ്ലിക്കിന് നമ്മോടു പറയാനുള്ളത് എന്ന വിഷയത്തില് സെമിനാര് നടന്നു. താലൂക്ക് ലൈബ്രറി കൗണ്സില് പ്രസിഡന്റ് കെ. ഗോപകുമാര് വിഷയാവതരണം നടത്തി.
ചങ്ങനാശേരി എന്എസ്എസ് കോളജ് മുന്മലയാള വിഭാഗം മേധാവി ചര്ച്ച നയിച്ചു. കെ.ജി. മോഹനന്പിള്ള മോഡറേറ്ററായി പ്രവര്ത്തിച്ചു. സ്റ്റേറ്റ് ലൈബ്രറി കൗണ്സിൽ അംഗം ഹരീന്ദ്രനാഥ് തായങ്കരി, ലൈബ്രറി കൗണ്സില് ജോ. സെക്രട്ടറി അഡ്വ. ഐസക് രാജു, എസ്. ജതീന്ദ്രന്, ബി. രമേഷ് കുമാര് എന്നിവര് പ്രസംഗിച്ചു. ചടങ്ങില് വായന മത്സര വിജയികള്ക്കുള്ള സമ്മാനദാന വിതരണവും കൗണ്സില് അംഗങ്ങളായ ജനപ്രതിനികള്ക്കുള്ള ആദരിക്കലും നടന്നു.
തുടര്ന്നു നടന്ന ശില്പശാല ജില്ലാലൈബ്രറി കൗണ്സില് സെക്രട്ടറി രഘുപ്രസാദ് ഉദ്ഘാടനം ചെയ്തു. താലൂക്ക് പ്രസിഡന്റ് കെ. ഗോപകുമാര് അധ്യക്ഷത വഹിച്ചു. കെ.ജി. മോഹനന് പിള്ള, മോളി അലക്സ് എന്നിവര് പ്രസംഗിച്ചു.
Tags : nattu vishesham Taluk Library Seminar