കാ​ഞ്ഞി​ര​പ്പ​ള്ളി: കാ​ഞ്ഞി​ര​പ്പ​ള്ളി-​മ​ണി​മ​ല റോ​ഡി​ലെ യാ​ത്ര ദു​രി​ത​മാ​ണ്. മു​മ്പേ ത​ക​ർ​ന്നു​കി​ട​ക്കു​ന്ന റോ​ഡാ​ണ്. ഇ​പ്പോ​ൾ ക​ലു​ങ്കു​നി​ർ​മാ​ണ​വും.
കാ​ഞ്ഞി​ര​പ്പ​ള്ളി-​കു​ള​ത്തൂ​ർ​മൂ​ഴി ക​ർ​ഷ​ക​സൗ​ഹൃ​ദ ലി​ങ്ക് റോ​ഡ് നി​ർ​മാ​ണ​ത്തി​ന്‍റെ ഭാ​ഗ​മാ​ണ് ക​ലു​ങ്കു​ക​ൾ. ഇ​പ്പോ​ൾ പ​ണി നടക്കു​ന്ന ഭാ​ഗ​ത്ത് ചെ​റു​തും വ​ലു​തു​മാ​യി 32 ക​ലു​ങ്കു​ക​ളാ​ണു​ള്ള​ത്.

ടാ​റിം​ഗ് പൊ​ളി​ഞ്ഞു കു​ഴി​ക​ൾ രൂ​പ​പ്പെ​ട്ട റോ​ഡി​ൽ ക​ലു​ങ്കു​ക​ൾ നി​ർ​മി​ക്കു​ന്ന ഭാ​ഗ​ത്ത് ഒ​രു​വ​ശ​ത്തു കൂ​ടി മാ​ത്ര​മാ​ണ് ഗ​താ​ഗ​തം. ഈ ​വ​ശ​ത്ത് വ​ലി​യ കു​ഴി​ക​ളും. മ​ഴ​യ​ത്ത് കു​ഴി​യി​ല്‍ വെ​ള്ളം നി​റ​യും. അ​തോ​ടെ കു​ഴി​യു​ടെ ആ​ഴം അ​റി​യാ​തെ ഇ​രു​ച​ക്ര​വാ​ഹ​ന​ങ്ങ​ള്‍ അ​പ​ക​ട​ത്തി​ൽ​പ്പെ​ടു​ന്നു​ണ്ട്. രാ​ത്രി വെ​ളി​ച്ച​വും കു​റ​വാ​യ​തി​നാ​ൽ അ​പ​ക​ട​സാ​ധ്യ​ത പി​ന്നേ​യും കൂ​ടി.
ചേ​ന​പ്പാ​ടി​യി​ലേ​ക്കും മ​ണി​മ​ല​യി​ലേ​ക്കു​മു​ള്ള പ​തി​ന​ഞ്ചോ​ളം ബ​സു​ക​ൾ പ​ല ട്രി​പ്പു​ക​ൾ ന​ട​ത്തു​ന്നു​ണ്ട്. ഇ​തു​കൂ​ടാ​തെ ഇ​രു​പ​തോ​ളം സ്കൂ​ൾ ബ​സു​ക​ളും പ​തി​വാ​യി ക​ട​ന്നു​പോ​കു​ന്നുണ്ട്.

85.81 കോ​ടി രൂ​പ ചെ​ല​വ​ഴി​ച്ച് നി​ര്‍​മി​ക്കു​ന്ന റോ​ഡി​ന്‍റെ നി​ര്‍​മാ​ണ​ച്ചു​മ​ത​ല കേ​ര​ള റോ​ഡ് ഫ​ണ്ട് ബോ​ര്‍​ഡി​നാ​ണ്. പ​ദ്ധ​തി​യു​ടെ ആ​ദ്യ​ഘ​ട്ട​മാ​യി കാ​ഞ്ഞി​ര​പ്പ​ള്ളി-​മ​ണി​മ​ല റോ​ഡി​ന്‍റെ കാ​ഞ്ഞി​ര​പ്പ​ള്ളി മു​ത​ൽ മ​ണ്ണ​നാ​നി വ​രെ​യു​ള്ള 6.862 കി​ലോ​മീ​റ്റ​ർ ഭാ​ഗ​മാ​ണ് ന​വീ​ക​രി​ക്കു​ന്ന​ത്. ഈ ​ഭാ​ഗ​ത്തെ നി​ർ​മാ​ണ പ്ര​വ​ർ​ത്ത​ന​ങ്ങ​ളാ​ണ് ആ​രം​ഭി​ച്ച​ത്.

Tags : local nattuvishesham bridge