ട്രീ ഹോള് വനംവകുപ്പ് അടയ്ക്കുന്നതിന് മുമ്പ്.
പുല്പ്പള്ളി: ചെതലത്ത് റേഞ്ചിലെ മഠാപറമ്പ് - കോളറാട്ടുകുന്ന് റോഡിലെ പാതയോരത്ത് പതിറ്റാണ്ടുകള് പഴക്കമുള്ള ട്രീ ഹോള് വനംവകുപ്പ് മുള്ള് കമ്പുകൊണ്ട് അടച്ചത് പ്രതിഷേധത്തിന് കാരണമായി. വര്ഷങ്ങളായി ഇതുവഴിയെത്തുന്ന സഞ്ചാരികള്ക്ക് ഏറെ കൗതുകമുണര്ത്തുന്ന ട്രീ ഹോള് വനംവകുപ്പ് കുപ്പിച്ചില്ലും മുളയുടെ മുള്ളുകൊണ്ടും മറച്ചത് അപ്രതീക്ഷിതമായാണ്.
വനത്തിലേക്ക് സഞ്ചാരികള് ട്രീ ഹോള് കാണാന് കൂട്ടമായി എത്തിയതാണ് അടയ്ക്കാന് കാരണമെന്നാണ് വനംവകുപ്പ് അധികൃതര് പറയുന്നത്. വന്യമൃഗശല്യം ഏറെ രൂക്ഷമായ മേഖലയായതിനാല് പുറമേനിയിലെത്തുന്ന സഞ്ചാരികള് വാഹനങ്ങളിലും മറ്റുമെത്തി ഫോട്ടോയെടുക്കുന്നതിനുംമറ്റും വാഹനത്തിന് പുറത്തിറങ്ങുന്നത് അപകടത്തിന് കാരണമാകുമെന്ന് പറഞ്ഞാണ് വനംവകുപ്പ് ട്രീ ഹോള് അടച്ചത്.
ട്രീ ഹോളിനെ പറ്റി കേട്ടറിഞ്ഞ് സംസ്ഥാനത്തിന്റെ വിവിധ ഭാഗങ്ങളില്നിന്നായി നിരവധി സഞ്ചാരികള് മഠാപറമ്പ് മേഖലയില് എത്തിയിരുന്നു. ട്രീ ഹോള് അടച്ചത് വനംവകുപ്പിന്റെ അനാവശ്യ പിടിവാശിമൂലമാണെന്ന് നാട്ടുകാര് ആരോപിച്ചു.
Tags : Local News Nattuvishesham Wayanad