കോ​ഴി​ക്കോ​ട് : കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​സ​വ​ത്തി​നാ​യി പ്ര​വേ​ശി​പ്പി​ക്ക​പ്പെ​ട്ട ഡോ​ക്ട​റോ​ട് ആ​ശു​പ​ത്രി ജീ​വ​ന​ക്കാ​ർ മോ​ശ​മാ​യി പെ​രു​മാ​റി​യെ​ന്നും ജീ​വ​ന​ക്കാ​രെ താ​ക്കീ​ത് ചെ​യ്തി​ട്ടു​ണ്ടെ​ന്നും ഇ​ൻ​സ്റ്റി​റ്റ്യൂ​ട്ട് ഓ​ഫ് മ​റ്റേ​ണ​ൽ ആ​ന്‍​ഡ് ചൈ​ൽ​ഡ് ഹെ​ൽ​ത്ത് സൂ​പ്ര​ണ്ട് മ​നു​ഷ്യാ​വ​കാ​ശ ക​മ്മീ​ഷ​നെ അ​റി​യി​ച്ചു.

മ​നു​ഷ്യാ​വ​കാ​ശ ക​മ്മീ​ഷ​ൻ ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥി​ന്‍റെ നി​ർ​ദ്ദേ​ശ​പ്ര​കാ​ര​മാ​ണ് റി​പ്പോ​ർ​ട്ട് സ​മ​ർ​പ്പി​ച്ച​ത്.​മ​ല​പ്പു​റം സ്വ​ദേ​ശി​നി​യാ​യ വ​നി​താ​ഡോ​ക്ട​ർ, 2022 ഓ​ഗ​സ്റ്റ് 17 ന് ​കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ നേ​രി​ടേ​ണ്ടി വ​ന്ന ദു​ര​നു​ഭ​വം വി​വ​രി​ച്ച് സ​മ​ർ​പ്പി​ച്ച പ​രാ​തി​യി​ലാ​ണ് അ​ന്വേ​ഷ​ണ സ​മി​തി​യു​ടെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ആ​ശു​പ​ത്രി സൂ​പ്ര​ണ്ട് വി​ശ​ദീ​ക​ര​ണം സ​മ​ർ​പ്പി​ച്ച​ത്.

പ്ര​സ​വ​മു​റി​യി​ൽ ത​നി​ക്കൊ​പ്പം കൂ​ട്ടി​രി​പ്പു​കാ​രി​യി​ല്ലെ​ന്ന പേ​രി​ൽ അ​വി​ടെ ചു​മ​ത​ല​യു​ണ്ടാ​യി​രു​ന്ന ഒ​ന്നാം വ​ർ​ഷ പി.​ജി.​ഡോ​ക്ട​റാ​യ വ​നി​ത, വ​ള​രെ മോ​ശ​മാ​യ രീ​തി​യി​ൽ ത​ന്നോ​ട് പെ​രു​മാ​റി​യെ​ന്ന് രോ​ഗി​യാ​യ ഡോ​ക്ട​ർ ക​മ്മീ​ഷ​നെ അ​റി​യി​ച്ചു. പ്ര​സ​വ​മു​റി​ക്ക് പു​റ​ത്ത് സ​ർ​ക്കാ​ർ സ​ർ​വീ​സി​ൽ ഡോ​ക്ട​റാ​യ ത​ന്‍റെ ഭ​ർ​ത്താ​വു​ണ്ടെ​ന്ന് പ​റ​ഞ്ഞെ​ങ്കി​ലും സ​മ്മ​തി​ച്ചി​ല്ല.

പ്ര​സ​വ​മു​റി​യി​ൽ കൂ​ട്ടി​രി​പ്പു​കാ​രി​യെ വേ​ണ​മെ​ന്ന കാ​ര്യം ത​നി​ക്ക് അ​റി​യി​ല്ലാ​യി​രു​ന്നു​വെ​ന്നും പ​രാ​തി​ക്കാ​രി അ​റി​യി​ച്ചു.​ത​ന്നെ നി​ര​ന്ത​രം അ​പ​മാ​നി​ച്ചെ​ന്നും മാ​ന​സി​ക​മാ​യി ത​ള​ർ​ത്തി​യെ​ന്നും പ​രാ​തി​ക്കാ​രി പ​റ​ഞ്ഞു. ഡോ. ​മേ​നോ​ൻ ന​ളി​നി ശേ​ഖ​ര​ൻ, ഡോ. ​ബി.​കെ.​അ​ജി​ത എ​ന്നി​വ​രു​ടെ നേ​തൃ​ത്വ​ത്തി​ൽ ഒ​രു അ​ന്വേ​ഷ​ണ സ​മി​തി​യെ നി​യോ​ഗി​ച്ച് അ​ന്വേ​ഷ​ണം ന​ട​ത്തി​യ​താ​യി റി​പ്പോ​ർ​ട്ടി​ൽ പ​റ​ഞ്ഞു. രോ​ഗി​യോ​ട് അ​പ​മ​ര്യാ​ദ​യാ​യി പെ​രു​മാ​റി​യ​താ​യും അ​തി​ന് സി​സ്റ്റ​ർ താ​ക്കീ​ത് ചെ​യ്ത​താ​യും അ​ന്വേ​ഷ​ണ​ത്തി​ൽ ക​ണ്ടെ​ത്തി​യെ​ന്നും റി​പ്പോ​ർ​ട്ടി​ൽ പ​റ​ഞ്ഞു.​

റി​പ്പോ​ർ​ട്ടി​ന്‍റെ പ​ക​ർ​പ്പ് പ​രാ​തി​ക്കാ​രി​ക്ക് അ​യ​ച്ചു കൊ​ടു​ത്തെ​ങ്കി​ലും ആ​ക്ഷേ​പം ബോ​ധി​പ്പി​ക്കു​ക​യോ ര​ണ്ടു ത​വ​ണ നോ​ട്ടീ​സ് അ​യ​ച്ചി​ട്ടും ഹാ​ജ​രാ​കാ​ത്ത സാ​ഹ​ച​ര്യ​ത്തി​ൽ തു​ട​ർ​ന​ട​പ​ടി​ക​ൾ സ്വീ​ക​രി​ക്കാ​ൻ ക​ഴി​യി​ല്ലെ​ന്ന് കെ. ​ബൈ​ജു​നാ​ഥ് ഉ​ത്ത​ര​വി​ൽ പ​റ​ഞ്ഞു.

Tags : Local News Nattuvishesham Kozhikode