നെടുങ്കണ്ടം: കരിനിയമങ്ങള് അടിച്ചേല്പ്പിച്ച് ഇടതുസര്ക്കാര് ഇടുക്കിയെ തകര്ക്കുകയാണെന്ന് കേരള കോൺഗ്രസ് ചെയർമാൻ പി.ജെ. ജോസഫ് എംഎൽഎ. ജില്ലാ പഞ്ചായത്ത് നെടുങ്കണ്ടം ഡിവിഷന് സ്ഥാനാര്ഥി ഗ്രേസി ജോയിയുടെ ഇലക്ഷന് പ്രചാരണാര്ഥം യുഡിഎഫ് കണ്വന്ഷനും സ്ഥാനാര്ഥി സംഗമവും നെടുങ്കണ്ടത്ത് ഉദ്ഘാടനം ചെയ്യുകയായിരുന്നു അദ്ദേഹം.
പതിനേഴായിരം കോടി രൂപയുടെ ഇടുക്കി പാക്കേജ് പ്രഖ്യാപിച്ചശേഷം അത് നടപ്പാക്കാതെ ഇടുക്കിയിലെ ജനങ്ങളെ ഈ സര്ക്കാര് കബളിപ്പിച്ചു. ശബരിമലയെപ്പോലും കൊള്ളയടിക്കുന്ന പിണറായി സര്ക്കാരിനെതിരേ പ്രതികരിക്കാന് ജനങ്ങള് ഈ ത്രിതല പഞ്ചായത്ത് തെരഞ്ഞെടുപ്പ് ഉപയോഗിക്കണമെന്നും പി.ജെ. ജോസഫ് പറഞ്ഞു.
local nattuvishesham
യോഗത്തില് യുഡിഎഫ് നിയോജക മണ്ഡലം ചെയര്മാന് എം.ജെ. കുര്യന് അധ്യക്ഷത വഹിച്ചു. ഡീന് കുര്യാക്കോസ് എം പി മുഖ്യ പ്രഭാഷണം നടത്തി. കെപിസിസി ജനറല് സെക്രട്ടറി ഇബ്രാഹിംകുട്ടി കല്ലാര്, കേരള കോണ്ഗ്രസ് ജില്ലാ പ്രസിഡന്റ് പ്രഫ. എം.ജെ. ജേക്കബ്, അഡ്വ. സേനാപതി വേണു, അഡ്വ. എം.എന്. ഗോപി, ജോജി ഇടപ്പള്ളിക്കുന്നേല്, ജോസ് പൊട്ടംപ്ലാക്കല് തുടങ്ങിയവര് പ്രസംഗിച്ചു.
Tags : local nattuvishesham P.J. Joseph