വി​ശു​ദ്ധ സെ​ബ​സ്ത്യാ​നോ​സി​ന്‍റെ തി​രു​നാ​ളി​നോ​ട​നു​ബ​ന്ധി​ച്ച് അ​ര്‍​ത്തു​ങ്ക​ല്‍ ബ​സി​ലി​ക്ക​യി​ലെ​ത്തു​ന്ന വി​ശ്വാ​സി​ക​ള്‍ വി​ശു​ദ്ധ ചാ​വ​റ​യ​ച്ച​ന്‍റെ സ്മ​ര​ണ​ക​ളു​ള്ള വി​ശ്ര​മ​മു​റി​ക്കു മു​ന്നി​ലും അ​നു​ഗ്ര​ഹ​ങ്ങ​ള്‍ തേ​ടി​യെ​ത്താ​റു​ണ്ട്. വി​ശു​ദ്ധി​യു​ടെ പ​രി​മ​ളം പ​ര​ത്തി​യ വി​ശു​ദ്ധ ചാ​വ​റ കു​ര്യാ​ക്കോ​സ് ഏ​ലി​യാ​സ​ച്ച​ന്‍ പൗ​രോ​ഹി​ത്യം സ്വീ​ക​രി​ച്ച​തും പ്ര​ഥ​മ​ദി​വ്യ​ബ​ലി​യ​ര്‍​പ്പി​ച്ച​തും അ​ര്‍​ത്തു​ങ്ക​ല്‍ ദേ​വാ​ല​യ​ത്തി​ലാ​ണ്.

അ​ദ്ദേ​ഹം താ​മ​സി​ച്ചി​രു​ന്ന മു​റി ഇ​പ്പോ​ഴും ഏ​റെ പ​രി​പാ​വ​ന​മാ​യി ഇ​വി​ടെ സൂ​ക്ഷി​ച്ചി​ട്ടു​ണ്ട്. തി​രു​വ​സ്ത്ര​ങ്ങ​ളും ബ​ലി​പീ​ഠ​ത്തി​ല്‍ ദി​വ്യ​ബ​ലി​ക്കാ​യി ഉ​പ​യോ​ഗി​ച്ച കാ​സ​യും സ​ക്രാ​രി​യും ക​ട്ടി​ലും പാ​യ​യും ക​സേ​ര​യും ക്ലോ​ക്കു​മൊ​ക്കെ മു​റി​യി​ല്‍ കാ​ണാം. അ​ര്‍​ത്തു​ങ്ക​ല്‍ ദേ​വാ​ല​യ​ത്തി​ല്‍ താ​മ​സി​ച്ച് ശു​ശ്രൂ​ഷ ചെ​യ്തി​രു​ന്ന കേ​ര​ള സ​ഭ​യു​ടെ അ​ധ്യ​ക്ഷ​നാ​യി​രു​ന്ന മെ​ത്രാ​ന്‍ മൗ​റേ​ലി​യൂ​സ് സ്ത​ബി​ലി​നി​യി​ല്‍നി​ന്ന് 1829 ന​വം​ബ​ര്‍ 29 നാ​ണ് വി​ശു​ദ്ധ ചാ​വ​റ കു​ര്യാ​ക്കോ​സ് ഏ​ലിയാസ് വൈ​ദി​ക പ​ട്ടം സ്വീ​ക​രി​ച്ച​ത്.

ഇ​പ്പോ​ഴ​ത്തെ പ​ഴ​യ​പ​ള്ളി​യു​ടെ അ​ള്‍​ത്താ​ര​യി​ലാ​യി​രു​ന്നു പ്ര​ഥ​മ ദി​വ്യ​ബ​ലി. ആ​ല​പ്പു​ഴ രൂ​പ​ത​യി​ല്‍ ഉ​ള്‍​പ്പെ​ട്ട പ​ള്ളി​ത്തോ​ട് സെന്‍റ് സെ​ബാ​സ്റ്റ്യ​ന്‍ പ​ള്ളി​യി​ലാ​ണ് വൈ​ദി​ക ശു​ശ്രൂ​ഷ​യ്ക്കാ​യി ആ​ദ്യം നി​യോ​ഗി​ക്ക​പ്പെ​ട്ട​ത്. അ​വി​ടെ​യാ​യി​രി​ക്കു​മ്പോ​ള്‍ പ​ള്ളി​പ്പു​റം പ​ള്ളി​യി​ലും ശു​ശ്രൂ​ഷ​യ്ക്കാ​യി പോ​യി​രു​ന്നു. ല​ത്തീ​ന്‍ ഭാ​ഷ​യി​ല്‍ പ്രാ​വീ​ണ്യം നേ​ടു​ന്ന​തി​നാ​യി ത​ങ്കി സെ​ന്‍റ് മേ​രീ​സ് ഫൊ​റോ​നാ പ​ള്ളി​യി​ലും കു​റ​ച്ചു​കാ​ലം താ​മ​സി​ച്ചു. ഒ​ത്തി​രി​യേ​റെ തീ​ര്‍​ഥാ​ട​ക​ര്‍ വി​ശു​ദ്ധ ചാ​വ​റ അ​ച്ച​ന്‍റെ മാ​ധ്യ​സ്ഥം പ്രാ​ര്‍​ഥി​ക്ക​ന്ന​തി​നാ​യും പ​ഴ​യ പ​ള്ളി​ക്ക് പു​റ​കി​ല്‍ ക്ര​മ​പ്പെ​ടു​ത്തി​യി​രി​ക്കു​ന്ന മ്യൂ​സി​യം സ​ന്ദ​ര്‍​ശി​ക്കു​ന്ന​തി​നാ​യി എ​ത്തി​ച്ചേ​രാ​റു​ണ്ട്.

Tags : The memories nattuvishesham lcoal news