നീണ്ടൂർ: മോനിപ്പള്ളിയിൽ ജനുവരി 12നുണ്ടായ വാഹനാപകടത്തിൽ മരിച്ച കുറുപ്പൻപറമ്പിൽ സുരേഷ്-അമ്പിളി ദമ്പതികളുടെ കുടുംബത്തെ സഹായിക്കുന്നതിനായി നാടൊരുമിക്കുന്നു. ഇവരുടെ രണ്ടു മക്കളുടെ പഠനം ഉൾപ്പെടെയുള്ള കാര്യങ്ങളിൽ താങ്ങാകാനാണ് ജനകീയ സമിതി രംഗത്തെത്തിയിരിക്കുന്നത്.
മന്ത്രി വി.എൻ. വാസവൻ, ഫ്രാൻസിസ് ജോർജ് എംപി എന്നിവർ രക്ഷാധികാരികളും നീണ്ടൂർ പഞ്ചായത്ത് പ്രസിഡന്റ് സവിത ജോമോൻ ചെയർമാനും ജില്ലാ പഞ്ചായത്ത് മെംബർമാരായ ആനന്ദ് ബാബു, ജിം അലക്സ്, ബ്ലോക്ക് പഞ്ചായത്ത് മെംബർമാരായ ആശ റെജി, സിനു ജോൺ, പഞ്ചായത്ത് വൈസ് പ്രസിഡന്റ് ശ്രീകുമാർ പ്ലാത്താനം, മെംബർ തോമസ് കോട്ടൂർ എന്നിവർ വൈസ് ചെയർമാൻമാരുമായി രൂപീകരിച്ച ജനകീയ സമിതിയുടെ നേതൃത്വത്തിൽ ഇന്നു മുതൽ നീണ്ടൂർ പഞ്ചായത്തിലെ മുഴുവൻ വീടുകളും സന്ദർശിച്ച് കുടുംബസഹായ ഫണ്ട് ശേഖരണം നടത്തും.
ഈ ജീവകാരുണ്യ പ്രവർത്തനത്തിൽ എല്ലാവരും ആത്മാർഥമായി സഹകരിക്കണമെന്ന് പഞ്ചായത്ത് പ്രസിഡന്റ് സവിത ജോമോൻ അഭ്യർഥിച്ചു.
Tags : Local News Nattuvishesham Kottayam