ആളൂര് പറമ്പിറോഡിനുസമീപം കനാലില്വീണ സ്കൂട്ടര്.
ആളൂര്: കൊടകര - മാള റോഡിലെ ആളൂര് പറമ്പിറോഡിനു സമീപം സ്കൂട്ടര് കനാലിലേയ്ക്കുവീണ് യുവതിക്കും മകനും പരിക്കേറ്റു.
പാലിയേക്കര സ്വദേശിനി ബ്ലെറ്റി(30), മകന് ഇഷാന്(ആറ്) എന്നിവര്ക്കാണ് സാരമായി പരിക്കേറ്റത്. ഇന്നലെ രാവിലെ 7.40 ഓടെയാണ് അപകടം. മാള തുമ്പരശേരിയില്നിന്ന് ആളൂര് ഭാഗത്തേയ്ക്ക് മകനൊപ്പം വരികയായിരുന്ന യുവതി ഓടിച്ച സ്കൂട്ടര് കനാലിലേയ്ക്ക് വീഴുകയായിരുന്നു. ശബ്ദംകേട്ട് സമീപവാസികള് ഓടിയെത്തി യുവതിയേയും കുഞ്ഞിനേയും ചാലക്കുടി സെന്റ് ജെയിംസ് ആശുപത്രിയിലെത്തിച്ചു.
പിന്നീട് ഇവരെ ആലുവ രാജഗിരി ആശുപത്രിയിലേയ്ക്കുമാറ്റി. കനാലില് വെള്ളമില്ലാതിരുന്നതിനാലാണ് യുവതിയേയും കുട്ടിയേയും രക്ഷിക്കാന്കഴിഞ്ഞതെന്ന് നാട്ടുകാര് പറഞ്ഞു. ആളൂര് പോലീസ് സ്ഥലത്തെത്തി.
Tags : The scooter nattuvishesham local news