തഴുത്തല മുരുക്കും കാവ് ക്ഷേത്രത്തിൽ മോഷണം നടത്തിയതെന്ന് കരുതുന്ന വ്യക്തിയുടെ സിസി ടി വി ദൃശ്യം
കൊട്ടിയം: കൊട്ടിയം തഴുത്തല മുരുക്കുംകാവ് ദേവീക്ഷേത്രത്തിൽ കാണിക്കവഞ്ചികൾ കുത്തിത്തുറന്ന് മോഷണം. ഇതരസംസ്ഥാന മോഷ്ടാവാണെന്നു സംശയിക്കുന്നു. മൂന്നു കാണിക്കവഞ്ചികൾ കുത്തി തുറന്ന് ഏകദേശം ഇരുപത്തിയയ്യായിരത്തോളം രൂപാ അപഹരിച്ചു. മോഷ്ടാവ് അമ്പലത്തിലെ ശ്രീകൃഷ്ണ സ്വാമീ ക്ഷേത്രത്തിന്റെ വാതിൽ കുത്തി തുറക്കുവാനും ശ്രമം നടത്തി.
മോഷ്ടാവിന്റെ സിസിടിവി ദൃശ്യങ്ങൾ അമ്പലത്തിൽ സ്ഥാപിച്ചിട്ടുള്ള കാമറയിൽ പതിഞ്ഞിട്ടുണ്ട്. ക്ഷേത്ര കമ്മിറ്റി ഭാരവാഹികൾ കൊട്ടിയം പോലീസ് സ്റ്റേഷനിൽ നൽകിയ പരാതിയുടെ അടിസ്ഥാനത്തിൽഅന്വേഷണം ആരംഭിച്ചിട്ടുണ്ട്.
Tags : Local News Nattuvishesham Kollam