വൈക്കം ദേവസ്വം കമ്മീഷണർ ഓഫീസിനു മുന്നിൽ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ നടത്തിയ ബഹുജന മാർച്ച് തിരുവഞ്ചൂർ രാധാകൃഷ്ണൻ എംഎൽഎ ഉദ്ഘാടനം ചെയ്യുന
വൈക്കം: ശബരിമലയിൽ ഭക്തജനങ്ങൾ അയ്യപ്പന് വഴിപാടായി സമർപ്പിച്ച സ്വർണം തട്ടിയെടുത്ത സംഭവത്തിൽ സിബിഐ അന്വേഷണം നടത്തണമെന്ന് കോൺഗ്രസ് രാഷ്ട്രീയകാര്യ സമിതി ചെയർമാൻ തിരുവഞ്ചൂർ രാധാകൃഷ്ണൻ എംഎൽഎ. വൈക്കം ദേവസ്വം കമ്മീഷണർ ഓഫീസിനു മുന്നിൽ ബ്ലോക്ക് കോൺഗ്രസ് കമ്മിറ്റി നടത്തിയ ബഹുജന മാർച്ച് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
വൈക്കം സത്യഗ്രഹ സ്മാരകത്തിലെ ഗാന്ധി പ്രതിമയുടെ മുന്നിൽനിന്ന് നൂറുകണക്കിന് കോൺഗ്രസ് പ്രവർത്തകർ അണിചേർന്ന ബഹുജന മാർച്ചിന് ഡിസിസി പ്രസിഡന്റ് നാട്ടകം സുരേഷ്, ബ്ലോക്ക് പ്രസിഡന്റുമാരായ പി.ഡി. ഉണ്ണി, എം.കെ. ഷിബു തുടങ്ങിയവർ നേതൃത്വം നൽകി.
Tags : Thiruvanchoor Radhakrishnan Local News Kottayam Nattuvishesham