പാടിച്ചിറ ആലത്തൂർ പടിഞ്ഞാറേക്കരയിൽ രാജു തന്റെ ഈന്തപ്പനയുടെ സമീപം.
പുൽപ്പള്ളി: കഴിഞ്ഞ തവണത്തേതു പോലെ ഇത്തവണയും ഈന്തപ്പനകൾ നിറച്ച് കായ്ച്ചതോടെ കാണികളുടെ എണ്ണവും വർധിച്ചു. പാടിച്ചിറ ആലത്തൂർ പടിഞ്ഞാറേക്കരയിൽ രാജുവിന്റെ വീട്ടുമുറ്റത്താണ് ഈന്തപ്പനകൾ നിറയെ കായ്ച്ച് നിൽക്കുന്നത്. മൂന്ന് വർഷം മുന്പ് പുതിയവീട്ടിൽ താമസമാക്കിയപ്പോഴാണ് താമരശേരിയിൽ നിന്നും കൊണ്ടുവന്ന ഈന്തപ്പനയുടെ നാല് തൈകൾ നട്ടത്.
കഴിഞ്ഞ വർഷം മൂന്നാല് കുലകൾ കായ്ച്ചെങ്കിലും ഇത്തവണയാണ് നിറയെ കായിട്ടത്. കായ്ച്ചു നിൽക്കുന്ന ഈന്തപ്പനകൾ കാണാനും ചിത്രങ്ങളെടുക്കാനും നിരവധിയാളുകളാണ് രാജുവിന്റെ വീട്ടിലേക്കെത്തുന്നത്. ജില്ലയിലും ഈന്തപ്പന നല്ലപോലെ വളരുമെന്നതിന്റെ തെളിവാണ് തങ്ങളുടെ മുറ്റത്തെ ഈന്തപ്പനകളെന്ന് രാജു പറഞ്ഞു.
Tags : Local News Nattuvishesham Wayanad