തൊടുപുഴ നഗരസഭാ വാര്ഷികപദ്ധതി വികസന സെമിനാര് ചെയര്പേഴ്സണ് സാബിറ ജലീല് ഉദ്ഘാടനം ചെയ്യുന്നു.
തൊടുപുഴ: നഗരസഭയില് വാര്ഷിക പദ്ധതിയുമായി ബന്ധപ്പെട്ട് വികസന സെമിനാര് നടത്തി. നഗരസഭാ ചെയര്പേഴ്സണ് സാബിറ ജലീല് ഉദ്ഘാടനം ചെയ്തു.
നഗരസഭയുടെ സമഗ്ര വികസനം ലക്ഷ്യംവച്ചുള്ള കരട് പദ്ധതിരേഖ സെമിനാറില് സമര്പ്പിച്ചു. നഗരാസൂത്രണം, പരിസ്ഥിതി, കാലാവസ്ഥാ വ്യതിയാനം, ഖര മാലിന്യ സംസ്കരണം, പാര്പ്പിടം, പൊതുജനാരോഗ്യം, വിദ്യാഭ്യാസം ഉള്പ്പെടെയുള്ള മേഖലകള്ക്ക് പ്രത്യേക പ്രാധാന്യം നല്കിയാണ് 2026 -27 വര്ഷത്തെ പദ്ധതികള് തയാറാക്കുന്നത്. പദ്ധതിരേഖ സെമിനാറില് ചര്ച്ചകള്ക്കും നിര്ദേശങ്ങള്ക്കുമായി സമര്പ്പിച്ചു.
വൈസ് ചെയര്മാന് കെ. ദീപക് അധ്യക്ഷത വഹിച്ചു. ആസൂത്രണ സമിതി ഉപാധ്യക്ഷന് എസ്.എം. ഷരീഫ് , സ്റ്റാന്ഡിംഗ് കമ്മിറ്റി ചെയര്മാന്മാരായ ടി.കെ. സുധാകരന് നായര്, സുബൈദ സെയ്തുമുഹമ്മദ് ,പി.എ. ഷാഹുല് ഹമീദ്, മേഴ്സി സെബാസ്റ്റ്യന്, റംസിയ നിയാസ്, സെക്രട്ടറി ഇന്ചാര്ജ് എം.പി. ജോസ് എന്നിവര് പ്രസംഗിച്ചു.