മലയിൻകീഴ്: വീട്ടിലേക്കു ബോംബെറിഞ്ഞ് ബൈക്ക് കത്തിച്ച കേസിൽ രണ്ടുപേർ അറസ്റ്റിൽ. പുളിയറക്കോണം പെട്രോൾ പമ്പിനു സമീപത്തുനിന്ന് വട്ടിയൂർക്കാവ് മലമുകൾ വട്ടത്ത് വാടകയ്ക്ക് താമസിക്കുന്ന എസ്. ശ്രീനാഥ് (24), പുളിയറക്കോണം വടക്കുംകര വീട്ടിൽ ബി. ആദർശ് (23) എന്നിവരെയാണ് വിളപ്പിൽശാല പോലീസ് അറസ്റ്റ് ചെയ്തത്.
ഇക്കഴിഞ്ഞ 18നു രാത്രി പുളിയറക്കോണം രാമേശ്വരം ക്ഷേത്രത്തിലെ ഉത്സവസമാപനത്തിന്റെ ഭാഗമായി നടന്ന ഘോഷയാത്ര തടയാനും അലങ്കോലപ്പെടുത്താനുള്ള ശ്രമം തടഞ്ഞതിലുള്ള വൈരാഗ്യത്തിലാണ്, ഉത്സവസമിതി അംഗമായ സുരേഷിന്റെ വീട്ടിലേക്ക് പെട്രോൾ ബോംബെറിഞ്ഞതെന്നു പോലീസ് പറഞ്ഞു. വീടിനു മുന്നിൽ സൂക്ഷിച്ചിരുന്ന ബൈക്ക് ബോംബേറിൽ കത്തിനശിച്ചിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.