മേ​പ്പാ​ടി: വെ​ണ്ട​ർ ലൈ​സ​ൻ​സ് പു​തു​ക്കി ന​ൽ​കാ​നോ പു​തി​യ ലൈ​സ​ൻ​സ് അ​നു​വ​ദി​ക്കാ​നോ ര​ജി​സ്ട്രേ​ഷ​ൻ വ​കു​പ്പ് ത​യാ​റാ​കു​ന്നി​ല്ല. മേ​പ്പാ​ടി മേ​ഖ​ല​യി​ലെ ജ​ന​ങ്ങ​ൾ​ക്ക് മു​ദ്ര​പ്പ​ത്രം, റ​വ​ന്യു സ്റ്റാ​ന്പ് എ​ന്നി​വ കി​ട്ടാ​ക്ക​നി​യാ​യി മാ​റി.

മേ​പ്പാ​ടി​യി​ലു​ണ്ടാ​യി​രു​ന്ന വെ​ണ്ട​ർ ലൈ​സ​ൻ​സി മ​ര​ണ​പ്പെ​ട്ട് അ​ഞ്ച് വ​ർ​ഷം പി​ന്നി​ട്ടി​ട്ടും പു​തി​യ ലൈ​സ​ൻ​സ് അ​നു​വ​ദി​ക്കാ​ത്ത​താ​ണ് ജ​ന​ങ്ങ​ളു​ടെ ദു​രി​ത​ത്തി​ന് കാ​ര​ണം.
മ​രി​ച്ച ലൈ​സ​ൻ​സി​യു​ടെ അ​ന​ന്ത​രാ​വ​കാ​ശി​ക​ൾ ഉ​ത്ത​ര​വാ​ദി​ത്വം ഏ​റ്റെ​ടു​ത്തു ന​ട​ത്താ​ൻ സ​ന്ന​ദ്ധ​രാ​ണെ​ങ്കി​ലും അ​വ​ർ​ക്ക് ലൈ​സ​ൻ​സ് അ​നു​വ​ദി​ക്കാ​ൻ അ​ധി​കൃ​ത​ർ ത​യാ​റാ​കു​ന്നി​ല്ലെ​ന്നാ​ണാ​ക്ഷേ​പം. സം​സ്ഥാ​ന ര​ജി​സ്ട്രേ​ഷ​ൻ വ​കു​പ്പാ​ണ് ലൈ​സ​ൻ​സ് അ​നു​വ​ദി​ക്കേ​ണ്ട​ത്.

ഒ​രു ല​ക്ഷ​ത്തി​ന് മു​ക​ളി​ലു​ള്ള ഇ​ട​പാ​ടു​ക​ളു​ടെ ര​ജി​സ്ട്രേ​ഷ​നാ​ണ് ഓ​ണ്‍​ലൈ​നാ​ക്കി​യ​ത്. ഒ​രു ല​ക്ഷ​ത്തി​ൽ താ​ഴെ​യു​ള്ള ഇ​ട​പാ​ടു​ക​ൾ​ക്ക് ഇ​പ്പോ​ഴും മു​ദ്ര​പ്പ​ത്രം ആ​വ​ശ്യ​മാ​ണ്. വ​ടു​വ​ഞ്ചാ​ൽ മു​ത​ൽ മേ​പ്പാ​ടി വ​രെ​യു​ള്ള മേ​ഖ​ല​ക​ളി​ൽ മു​ദ്ര​പ്പ​ത്ര​ത്തി​നാ​യി ജ​ന​ങ്ങ​ൾ അ​ല​യു​ക​യാ​ണ്.

ഒ​രു മു​ദ്ര​പ്പ​ത്ര​ത്തി​നോ ഒ​രു റ​വ​ന്യു സ്റ്റാ​ന്പി​നോ വേ​ണ്ടി ക​ൽ​പ്പ​റ്റ​യി​ലെ​ത്ത​ണം. ബാ​ങ്ക് ഇ​ട​പാ​ടു​ക​ൾ​ക്ക് ഒ​രു രൂ​പ​യു​ടെ ഒ​രു റ​വ​ന്യു സ്റ്റാ​ന്പ് വാ​ങ്ങ​ണ​മെ​ങ്കി​ലും ടാ​ക്സി വി​ളി​ച്ച് ക​ൽ​പ്പ​റ്റ​യി​ൽ എ​ത്തേ​ണ്ട ഗ​തി​കേ​ടി​ലാ​ണ് ജ​ന​ങ്ങ​ൾ. ആ​ധാ​ര​മെ​ഴു​ത്തു​കാ​രും ഇ​തേ ദു​രി​തം അ​നു​ഭ​വി​ക്കു​ന്നു. ക​ഴി​ഞ്ഞ അ​ഞ്ച് വ​ർ​ഷ​ത്തി​ലേ​റെ​യാ​യി പ്ര​ദേ​ശ​ത്തു​ള്ള​വ​ർ മു​ദ്ര​പ്പ​ത്ര​ത്തി​നാ​യി അ​ല​യു​ന്നു. മേ​പ്പാ​ടി​യി​ലേ​ക്ക് ഒ​രു വെ​ണ്ട​ർ ലൈ​സ​ൻ​സ് അ​നു​വ​ദി​ക്കാ​ൻ ന​ട​പ​ടി വേ​ണ​മെ​ന്നാ​ണ് ആ​വ​ശ്യ​മു​യ​രു​ന്ന​ത്.

Tags : Local News Nattuvishesham Wayanad