പെരിന്തൽമണ്ണ: പൊതുജനാരോഗ്യത്തിന് ഭീഷണിയാകുന്ന അനധികൃത പാതയോര ഭക്ഷണശാലകൾ നിർത്തലാക്കണമെന്ന് കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ പെരിന്തൽമണ്ണ യൂണിറ്റ് ജനറൽ ബോഡി യോഗം ആവശ്യപ്പെട്ടു.
നിയമാനുസൃതമായി പ്രവർത്തിക്കുന്ന ഹോട്ടലുകളെ സംരക്ഷിക്കാനും മാലിന്യനിർമാർജനത്തിന്റെ പേരിൽ നടക്കുന്ന അനാവശ്യ പീഡനങ്ങൾ അവസാനിപ്പിക്കാനും അധികൃതർ നടപടിയെടുക്കണം. ആവശ്യങ്ങൾ പരിഗണിക്കാത്ത പക്ഷം സമരവുമായി തെരുവിലിറങ്ങുമെന്നും യോഗം മുന്നറിയിപ്പ് നൽകി. അസോസിയേഷനിലെ വിവിധ വിഭാഗങ്ങളെയും സുരക്ഷ പദ്ധതിയെയും സംബന്ധിച്ച അവലോകനവും നടന്നു. ഗ്രീൻ ടേബിൾ ഓഡിറ്റോറിയത്തിൽ നടന്ന യോഗം ജില്ലാ പ്രസിഡന്റ് സി.എച്ച്. സമദ് ഉദ്ഘാടനം ചെയ്തു. കെ.ടി. അബ്ബാസ് അധ്യക്ഷത വഹിച്ചു.
പെരിന്തൽമണ്ണ മുനിസിപ്പൽ ക്ലീൻ സിറ്റി മാനേജർ വത്സൻ ബോധവത്കരണ ക്ലാസെടുത്തു. ജില്ലാ സെക്രട്ടറി കെ.ടി. രഘു മുഖ്യപ്രഭാഷണം നടത്തി. സലീം തേനാരി, ബാലകൃഷ്ണൻ, പി. അബ്ദുറഹ്മാൻ, സുരേഷ് (അച്ചു), പി.വി. നജാദ്, മുഹ്സിൻ അലി, ഷിബു നൈസ്, അഷ്റഫ് മുഗൾ പാർക്ക്, ബാബു എംബസി, ജില്ലാ ജോയിന്റ് സെക്രട്ടറി ഉബൈദ്, സുരക്ഷാ സമിതി ചെയർമാൻ രാജീവ് എന്നിവർ പ്രസംഗിച്ചു.
Tags : local nattuvishesham KHRA