നെടുമങ്ങാട്: എക്യൂമെനിക്കൽ ക്രിസ്ത്യൻ ഫെലോഷിപ്പിന്റെ നേതൃത്വത്തിൽ ഐക്യ ക്രിസ്മസ് സമ്മേളനവും കാരൾഗാന മത്സരവും കലാ സന്ധ്യയും നടത്തി. നെടുമങ്ങാട് എപിഎം സിഎസ്ഐ ഇടവകയിൽ നടന്ന ആഘോഷ പരിപാടികളിൽ നെടുമങ്ങാട് താലൂക്കിലെ സി എസ്ഐ, സാൽവേഷൻ ആർമി, ലൂഥറൻ ചർച്ച് എന്നീസഭാ വിഭാഗങ്ങൾ പങ്കെടുത്തു. സംഘടനാ പ്രസിഡന്റ് റവ.ഡോ. ടി.ഡബ്ല്യൂ. സുഗതകുമാർ അധ്യക്ഷത വഹിച്ചു. കൊല്ലം കൊട്ടാരക്കര മഹായിടവക മുൻ ബിഷപ്പ് റവ. ഡോ: ഉമ്മൻ ജോർജ് ഉദ്ഘാടനം നിർവഹിച്ചു. ക്രിസ്തുമസ് നാളിൽ സമാധാനത്തിന്റെ സന്ദേശവും ക്രിസ്തുവിന്റെ തിരുപിറവിയും ലോകത്തെ അറിയിക്കാൻ കഴിയാത്ത സാഹചര്യം രാജ്യത്തു നിലനില്ക്കുകയാണെന്ന് അദ്ദേഹം ചൂണ്ടിക്കാട്ടി. ദേവാലയങ്ങളും കാരൾ ഗായകസംഘങ്ങളും വൈദികരും ആക്രമിക്കപ്പെടുന്നു. മതമൈത്രിക്കു പേരുകേട്ട ദൈവത്തിന്റെ സ്വന്തം നാട്ടിലും ക്രിസ്ത്യാനികൾക്കും മതന്യൂനപക്ഷങ്ങൾക്കുമെതിരെ നടക്കുന്ന ആക്രമണങ്ങളെ ഒരുമിച്ചുനിന്ന് ചെറുത്തുതോല്പിക്കണമെമെന്നും ഡോ. ഉമ്മൻ ജോർജ് ഓർമിപ്പിച്ചു.