കരുനാഗപ്പള്ളി: ഓച്ചിറയിൽ സാംസ്കാരിക പൈതൃകവും പരിസ്ഥിതിയും സാമ്പത്തിക കെട്ടുറപ്പും തകർക്കുന്ന രീതിയിലുള്ള അശാസ്ത്രീയമായ ദേശീയപാത നിർമാണത്തിനെതിരെ ഓച്ചിറ പില്ലർ എലവേറ്റഡ് ആക്ഷൻ കൗൺസിലി െ ന്റ നേതൃത്വത്തിൽ ഓച്ചിറ അജന്ത ജംഗ്ഷൻ മുതൽ കോടനാട്ട് ജംഗ്ഷൻ വരെ മനുഷ്യച്ചങ്ങല തീർത്തു. ഓച്ചിറയിൽ പില്ലർ എലിവേറ്റഡ് ഹൈവേ നിർമിക്കണമെന്നാവശ്യപ്പെട്ടായിരുന്നു സമരപരിപാടി സംഘടിപ്പിച്ചത്.
ടോൾ പ്ലാസ കൂടി വരുമ്പോൾ ഒരാൾക്ക് പോലും നടന്ന് ഹൈവേ വഴി അല്ലാതെ എവിടേക്കും പോകാൻ കഴിയാത്ത അവസ്ഥയിലാവുമെന്ന് സംഘാടകർ അറിയിച്ചു. പരിസ്ഥിതി പ്രവർത്തകൻ സി. ആർ. നീലകണ്ഠൻ ഉദ്ഘാടനം ചെയ്തു. സി. ആർ. മഹേഷ് എംഎൽഎ ആമുഖ പ്രഭാഷണം നടത്തി.
ആക്ഷൻ കൗൺസിൽ ചെയർമാൻ മെഹർഖാൻ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് കെ. മോഹനൻ, വൈസ് പ്രസിഡന്റ് ഗീത കുമാരി, പഞ്ചായത്ത് പ്രസിഡന്റ് എസ്. കൃഷ്ണകുമാർ, വൈസ് പ്രസിഡന്റ് മുബീന, ബി. എസ്. വിനോദ്, അയ്യാണിക്കൽ മജീദ്, ലീന പ്രവീൺ, പ്രവീൺ മേമന, ഉണ്ണികൃഷ്ണൻ നമ്പൂതിരി ഓച്ചിറ താഹ, മഞ്ചു ജയപ്രകാശ് തുടങ്ങയവർ പ്രസംഗിച്ചു.
Tags : nattu vishesham Unscientific domestic