മു​ണ്ട​ക്ക​യം: കൊ​ട്ടാ​ര​ക്ക​ര-​ദി​ണ്ടി​ഗ​ൽ ദേ​ശീ​യ​പാ​ത​യി​ൽ മു​ണ്ട​ക്ക​യ​ത്തി​നും കാ​ഞ്ഞി​ര​പ്പ​ള്ളി​ക്കു​മി​ട​യി​ൽ വാ​ഹ​നാ​പ​ക​ട​ങ്ങ​ൾ വ​ർ​ധി​ക്കു​ന്നു. ചെ​റു​തും വ​ലു​തു​മാ​യ നി​ര​വ​ധി അ​പ​ക​ട​ങ്ങ​ളാ​ണ് ഓ​രോ ദി​വ​സ​വും ഈ ​റോ​ഡി​ൽ ഉ​ണ്ടാ​യി​ക്കൊ​ണ്ടി​രി​ക്കു​ന്ന​ത്. റോ​ഡി​ന്‍റെ ശോ​ച​നീ​യാ​വ​സ്ഥ​യും കൊ​ടും വ​ള​വും വാ​ഹ​ന​ങ്ങ​ളു​ടെ പെ​രു​പ്പ​വും അ​മി​ത വേ​ഗ​വു​മെ​ല്ലാം അ​പ​ക​ട​ങ്ങ​ൾ വി​ളി​ച്ചു​വ​രു​ത്തു​ക​യാ​ണ്.

ക​ഴി​ഞ്ഞ ദി​വ​സം രാ​ത്രി​യി​ൽ പൈ​ങ്ങ​ന സെ​ന്‍റ് തോ​മ​സ് പ​ള്ളി​യു​ടെ മു​ൻ​വ​ശ​ത്തെ വ​ള​വി​ൽ കാ​റും ലോ​റി​യും കൂ​ട്ടി​യി​ടി​ച്ച് അ​പ​ക​ട​മു​ണ്ടാ​യി​രു​ന്നു. തി​ങ്ക​ളാ​ഴ്ച ഇ​ട​ച്ചോ​റ്റി​യി​ൽ സ്കൂ​ൾ ബ​സും കാ​റും കൂ​ട്ടി​യി​ടി​ച്ച് സ്കൂ​ൾ വി​ദ്യാ​ർ​ഥി​ക​ള​ട​ക്ക​മു​ള്ള​വ​ർ​ക്ക് പ​രി​ക്കേ​റ്റു. ഇ​ട​ച്ചോ​റ്റി ഭാ​ഗ​ത്ത് മാ​ത്രം ക​ഴി​ഞ്ഞ ഒ​രാ​ഴ്ച​യ്ക്കി​ടെ മൂ​ന്നോ​ളം അ​പ​ക​ട​ങ്ങ​ൾ ഉ​ണ്ടാ​യ​താ​യി പ്ര​ദേ​ശ​വാ​സി​ക​ൾ പ​റ​യു​ന്നു. ചി​റ്റ​ടി​ക്ക് സ​മീ​പം സ്കൂ​ട്ട​ർ അ​പ​ക​ട​ത്തി​ൽ യാ​ത്ര​ക്കാ​ര​ന് പ​രി​ക്കേ​റ്റി​രു​ന്നു.

അ​പ​ക​ട​ങ്ങ​ൾ​ക്ക് നി​ര​വ​ധി കാ​ര​ണ​ങ്ങ​ൾ

ദേ​ശീ​യ​പാ​ത​യാ​യി ഉ​യ​ർ​ത്തി പ​തി​റ്റാ​ണ്ട് പി​ന്നി​ട്ടെ​ങ്കി​ലും ഇ​പ്പോ​ഴും കൊ​ട്ടാ​ര​ക്ക​ര-​ദി​ണ്ടി​ഗ​ൽ ദേ​ശീ​യ​പാ​ത​യു​ടെ ഭാ​ഗ​മാ​യ റോ​ഡി​ൽ അ​ടി​സ്ഥാ​ന സൗ​ക​ര്യ​ങ്ങ​ൾ വ​ർ​ധി​പ്പി​ച്ചി​ട്ടി​ല്ല. കാ​ഞ്ഞി​ര​പ്പ​ള്ളി​ക്കും മു​ണ്ട​ക്ക​യ​ത്തി​നു​മി​ട​യി​ൽ റോ​ഡി​ലെ കൊ​ടും​വ​ള​വു​ക​ളാ​ണ് അ​പ​ക​ട​ങ്ങ​ൾക്കു കാ​ര​ണ​മാ​കു​ന്ന​ത്. ക​ഴി​ഞ്ഞ പ​ത്തു വ​ർ​ഷ​ത്തി​നി​ടെ ചി​ല​യി​ട​ങ്ങ​ളി​ൽ ഓ​ട​യു​ടെ​യും ക​ലു​ങ്കി​ന്‍റെ​യും നി​ർ​മാ​ണ​മ​ല്ലാ​തെ മ​റ്റ് യാ​തൊ​രു ന​വീ​ക​ര​ണ പ്ര​വ​ർ​ത്ത​ന​വും ന​ട​ന്നി​ട്ടി​ല്ല.

എ​ന്നാ​ൽ, വാ​ഹ​ന​ങ്ങ​ളു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ച്ചു. മ​റ്റ് ജി​ല്ല​ക​ളി​ൽ നാ​ലു​വ​രി പാ​ത​യ്ക്ക് സ​മാ​ന​മാ​യി ദേ​ശീ​യ​പാ​ത ഉ​യ​രു​മ്പോ​ഴും പ​ഴ​യ കെ​കെ റോ​ഡി​ന് ഇ​പ്പോ​ഴും പ​ഞ്ചാ​യ​ത്ത് റോ​ഡു​ക​ളു​ടെ നി​ല​വാ​രം മാ​ത്ര​മാ​ണു​ള്ള​തെ​ന്നും ആ​ക്ഷേ​പം ഉ​യ​രു​ക​യാ​ണ്. റോ​ഡി​ന്‍റെ ചി​ല​യി​ട​ങ്ങ​ളി​ൽ ഐ​റി​ഷ് ഓ​ട​യു​ടെ അ​ഭാ​വം മൂ​ലം വ​ശ​ങ്ങ​ളി​ൽ വ​ലി​യ ക​ട്ടിം​ഗാ​ണ് രൂ​പ​പ്പെ​ട്ടി​രി​ക്കു​ന്ന​ത്. വാ​ഹ​ന​ങ്ങ​ൾ ഇ​ത്ത​രം ക​ട്ടിം​ഗി​ൽ ചാ​ടി അ​പ​ക​ടം സം​ഭ​വി​ക്കു​ന്ന​തും പ​തി​വാ​ണ്.

സ്ഥി​രം അ​പ​ക​ട മേ​ഖ​ല​ക​ൾ

കാ​ഞ്ഞി​ര​പ്പ​ള്ളി​ക്കും മു​ണ്ട​ക്ക​യ​ത്തി​നു​മി​ട​യി​ൽ പ​തി​വാ​യി അ​പ​ക​ട​ങ്ങ​ൾ ന​ട​ക്കു​ന്ന നി​ര​വ​ധി സ്ഥ​ല​ങ്ങ​ളു​ണ്ട്. പൈ​ങ്ങ​ന​യി​ലെ അ​ടു​പ്പി​ച്ചു​ള്ള കൊ​ടും​വ​ള​വു​ക​ൾ സ്ഥി​രം അ​പ​ക​ട​വേ​ദി​യാ​ണ്. ചി​റ്റ​ടി ഗു​രു​മ​ന്ദി​ര​ത്തി​ന് സ​മീ​പ​വും അ​ട്ടി​വ​ള​വും അ​പ​ക​ട കേ​ന്ദ്ര​ങ്ങ​ളാ​ണ്. ചോ​റ്റി നി​ർ​മ​ലാ​രം ജം​ഗ്ഷ​നും ഇ​ട​ച്ചോ​റ്റി​യും പൊ​ടി​മ​റ്റ​ത്തി​ന് സ​മീ​പ​ത്തെ വ​ള​വു​ക​ളും പ​തി​വാ​യി വാ​ഹ​നാ​പ​ക​ട​ങ്ങ​ൾ ന​ട​ക്കാ​റു​ള്ള മേ​ഖ​ല​യാ​ണ്.

പ്ര​ഖ്യാ​പ​ന​ങ്ങ​ളി​ൽ ഒ​തു​ങ്ങു​ന്ന വി​ക​സ​നം

നി​ല​വി​ലെ ദേ​ശീ​യ​പാ​ത​യാ​യ പ​ഴ​യ കോ​ട്ട​യം-​കു​മളി റോ​ഡ് ന​വീ​ക​രി​ക്കു​ന്ന​തി​നു​ള്ള പ​ദ്ധ​തി​ക​ൾ വ​ർ​ഷ​ങ്ങ​ൾ​ക്കു മു​മ്പ് ആ​രം​ഭി​ച്ച​താ​ണ്. സ​ർ​വേ ന​ടപ​ടി​ക​ളെ​ല്ലാം പൂ​ർ​ത്തി​യാ​യെ​ന്നും റോ​ഡ് ന​വീ​ക​ര​ണം ഉ​ട​ൻ ആ​രം​ഭി​ക്കു​മെ​ന്നും പ്ര​ചാ​ര​ണ​ം വ്യാ​പ​ക​മാ​യി ന​ട​ന്നി​രു​ന്നു. എ​ന്നാ​ൽ, ഒ​ന്നു​മു​ണ്ടാ​യി​ല്ല. റോ​ഡ് വി​ക​സ​ന​ത്തി​നാ​യി സ​ർ​വേ ന​ട​പ​ടി​ക​ൾ​ക്ക് സ്വ​കാ​ര്യ ഏ​ജ​ൻ​സി​യെ ഏ​ൽ​പ്പി​ച്ചി​രു​ന്നു.​എ​ന്നാ​ൽ, മാ​സ​ങ്ങ​ൾ ക​ഴി​ഞ്ഞി​ട്ടും സ​ർ​വേ ന​ട​പ​ടി​ക​ൾ പൂ​ർ​ത്തി​യാ​ക്കാ​ത്ത​തി​നെ​ത്തു​ട​ർ​ന്ന് മ​റ്റൊ​രു ഏ​ജ​ൻ​സി​ക്ക് ഈ ​ചു​മ​ത​ല ന​ൽ​കി​യ​താ​യി ക​ഴി​ഞ്ഞ​മാ​സം കേ​ന്ദ്ര ഉ​പ​രി​ത​ല ഗ​താ​ഗ​ത​വ​കു​പ്പു​മ​ന്ത്രി നി​തി​ൻ ഗ​ഡ്ഗ​രി കേ​ര​ള​ത്തി​ലെ എം​പി​മാ​രെ അ​റി​യി​ച്ചി​രു​ന്നു.

Tags : nattu vishesham Vehicle accidents