പന്തളം: നഗരസഭ പരിധിയിലെ വിവിധ പ്രദേശങ്ങളിൽ മഞ്ഞപ്പിത്തം വ്യാപകമാകുന്നു. പന്തളം, കുരമ്പാല, പൂഴിക്കാട് മേഖലകളിലാണ് രോഗം പടരുന്നത്. ആരോഗ്യവകുപ്പിന്റെ കണക്കനുസരിച്ച് ഇതുവരെ പതിനാലുപേർക്കാണ് രോഗം സ്ഥിരീകരിച്ചത്. കൂടുതൽ പേരിൽ ലക്ഷണങ്ങൾ കണ്ടതോടെ പ്രതിരോധ പ്രവർത്തനങ്ങൾ ശക്തമാക്കിയ ആരോഗ്യവകുപ്പ് ജാഗ്രതാ നിർദേശവും നൽകി.
കുടിവെള്ള സ്രോതസുകളിൽ നിന്നാണ് രോഗം പടർന്നതെന്നാണ് പ്രാഥമിക കണ്ടെത്തൽ. ജലസ്രോതസുകളിൽ ക്ലോറിനേഷൻ ഉൾപ്പെടെയുള്ള ശുചീകരണ നടപടികൾ പുരോഗമിക്കുകയാണ്. കുടിവെള്ളത്തിൽ മാലിന്യം കലർന്നതാണ് രോഗബാധയ്ക്ക് പ്രധാന കാരണമെന്നാണ് വിലയിരുത്തൽ.
പ്രദേശത്ത് വയറിളക്കം ബാധിച്ച് നിരവധി പേർ ചികിത്സ തേടിയതായും പകർച്ചപ്പനി ബാധിതരുടെ എണ്ണം വർധിക്കുന്നതായും ആരോഗ്യ പ്രവർത്തകർ പറയുന്നു.
Tags : nattu vishesham Yellow fever spreading