ചിങ്ങവനം: ബൈക്കും സ്കൂട്ടറും കൂട്ടിയിടിച്ച് ബൈക്ക് യാത്രക്കാരനായ യുവാവിന് ദാരുണാന്ത്യം. വെള്ളുത്തുരുത്തി, തെക്കേമുറി മോഹന്ദാസിന്റെ മകന് ടി.പി. ആരോമല് (20) ആണ് മരിച്ചത്.
പനച്ചിക്കാട്, വെള്ളൂത്തുരുത്തിയില് ശനിയാഴ്ച രാത്രി എട്ടിനായിരുന്നു അപകടം. പരുത്തുംപാറയില് മൊബൈല് ഫോണ് കടയില് ജീവനക്കാരനായിരുന്നു ആരോമല് ജോലികഴിഞ്ഞ് വീട്ടിലേയ്ക്കു മടങ്ങുന്നതിനിടെയായിരുന്നു സംഭവം. ആരോമല് സഞ്ചരിച്ച ബൈക്ക് എതിര് ദിശയില് നിന്നും എത്തിയ സ്കൂട്ടറില് ഇടിയ്ക്കുകയായിരുന്നു. ഗുരുതരമായി പരിക്കേറ്റ ആരോമലിനെ നാട്ടുകാര് മെഡിക്കല് കോളജ് ആശുപത്രിയില് എത്തിച്ചെങ്കിലും മരണം സംഭവിച്ചു. സംസ്കാരം ഇന്നു മൂന്നിന് വീട്ടുവളപ്പില്. അമ്മ സിന്ധു മോഹന്. സഹോദരങ്ങള് : വിഷ്ണു, ജിഷ്ണു.