കൽപ്പറ്റ: രേഖകളില്ലാതെ കാറിൽ കടത്തുകയായിരുന്ന 1,11,32,500 രൂപയുമായി വയനാട് മുത്തങ്ങ എക്സൈസ് ചെകപോസ്റ്റിൽ യുവാവ് പിടിയിലായി. തദ്ദേശ തെരഞ്ഞെടുപ്പിന്റെ പശ്ചാത്തലത്തിൽ ഡെപ്യൂട്ടി എക്സൈസ് കമ്മീഷണർ എ.ജെ. ഷാജിയുടെ നിർദേശാനുസരണം ഇൻസ്പെക്ടർ അഭിജിത്ത് സുരേന്ദ്രന്റെ നേതൃത്വത്തിൽ ഇന്നലെ പുലർച്ചെ വാഹന പരിശോധനയിലാണ് പണം കണ്ടെത്തിയത്.
ഇതുമായി ബന്ധപ്പെട്ട് കസ്റ്റഡിയിലെടുത്ത നൂൽപ്പുഴ നായ്ക്കട്ടി ചിത്രാലക്കര സി.കെ. മുനീറിനെ(38) തുടർനടപടികൾക്ക് പണം സഹിതം ആദായനികുതി വകുപ്പിന് കൈമാറി.
പ്രവന്റീവ് ഓഫീസർമാരായ ഇ. അനൂപ്, വി. രഘു, സിവിൽ എക്സൈസ് ഓഫീസർ പി.വി. വിപിൻകുമാർ എന്നിവരും അടങ്ങുന്ന സംഘമാണ് കാർ പരിശോധിച്ചത്. അതിർത്തികളിലടക്കം കർശന പരിശോധന തുടരുമെന്ന് ഡപ്യൂട്ടി എക്സൈസ് കമ്മീഷണർ അറിയിച്ചു.
Tags : Local News Nattuvishesham Wayanad