തൃശൂർ കോർപറേഷൻ ഓഫീസിനു മുന്പിൽ യൂത്ത് കോൺഗ്രസ് രാപ്പകൽ സമരം കെപിസിസി ജനറൽ സെക്രട്ടറി ജോസ് വള്ളൂർ ഉദ്ഘാടനം ചെയ്യുന്നു.
തൃശൂർ: യൂത്ത് കോൺഗ്രസ് സംസ്ഥാന പ്രസിഡന്റിന്റെ അറസ്റ്റ്, പോലീസിന്റെ ക്രൂരമർദനങ്ങൾ, ശബരിമലയിലെ സ്വർണക്കൊള്ള എന്നിവയ്ക്കെതിരേ കോർപറേഷൻ ഓഫീസിനുമുന്പിൽ യൂത്ത് കോൺഗ്രസ് രാപ്പകൽസമരം ആരംഭിച്ചു. കെപിസിസി ജനറൽ സെക്രട്ടറി ജോസ് വള്ളൂർ ഉദ്ഘാടനം ചെയ്തു. യൂത്ത് കോൺഗ്രസ് ജില്ലാ പ്രസിഡന്റ് ഹരീഷ് മോഹൻ അധ്യക്ഷനായി. യുഡിഎഫ് ചെയർമാൻ ടി.വി. ചന്ദ്രമോഹൻ മുഖ്യാതിഥിയായി.
യൂത്ത് കോൺഗ്രസ് ജില്ലാ വൈ സ് പ്രസിഡന്റ് അഞ്ജന, സംസ്ഥാന ജനറൽ സെക്രട്ടറിമാരായ അഡ്വ.സി. പ്രമോദ്, കാവ്യ രഞ്ജിത്ത്, സംസ്ഥാനസെക്രട്ടറി അഡ്വ. സുഷിൽ ഗോപാൽ, ജില്ലാ ജനറൽ സെക്രട്ടറി ഷെറിൻ തേർമഠം, നിയോജകമണ്ഡലം പ്രസിഡന്റുമാരായ കെ. സുമേഷ്, അൽജോ ചാണ്ടി, മഹേഷ് കാർത്തികേയൻ, ഒ. ശ്രീകൃഷ്ണൻ, ഡിസിസി ജനറൽ സെക്രട്ടറിമാരായ ജെയ്ജു സെബാസ്റ്റ്യൻ, ടി.എം. രാജീവ്, ടി.എൻ. ഗോപാലകൃഷ്ണൻ, ശോഭ സുബിൻ, കെപിസിസി വിചാർ വിഭാഗ് തൃശൂർ ജില്ലാ ചെയർമാൻ ജെയിംസ് മാസ്റ്റർ തുടങ്ങിയവർ പ്രസംഗിച്ചു.