പത്തനംതിട്ട: താൻ ബിജെപിയിൽ ചേർന്നതായ പ്രചാരണം തെറ്റിധാരണാ ജനകമെന്ന് യൂത്ത് കോൺഗ്രസ് സംസ്ഥാന സെക്രട്ടറി അഖിൽ ഓമനക്കുട്ടൻ. തന്നെ തെറ്റിധരിപ്പിച്ച് ചില സുഹൃത്തുക്കൾ പന്തളത്ത് ബിജെപിയുമായി ബന്ധപ്പെട്ട വേദിയിലെത്തിച്ച് ഷാൾ അണിയിക്കുകയായിരുന്നുവെന്ന് അഖിൽ പത്രസമ്മേളനത്തിൽ പറഞ്ഞു.
ബിജെപിയുമായി ചേർന്നു പ്രവർത്തിക്കാൻ തനിക്ക് സാധ്യമല്ലെന്നും ഉറച്ച കോൺഗ്രസ് കുടുംബത്തിലെ അംഗമാണ് താനെന്നും ആ നിലയിൽ തന്നെ തുടരുമെന്നും അദ്ദേഹം അറിയിച്ചു. സുഹൃത്തുക്കൾ തമാശരൂപേണയാണ് തനിക്ക് ബിജെപിയുടെ ഷാൾ അണിയിച്ചതെന്നും ജില്ലാ പ്രസിഡന്റ് പങ്കെടുക്കുന്ന ഔദ്യോഗിക ചടങ്ങായി താനിതിനെ കണ്ടിരുന്നില്ലെന്നും അഖിൽ പറഞ്ഞു.
അതിനുശേഷം ഒരുവിഭാഗം തനിക്കെതിരേ മാധ്യമ പ്രചാരണം നടത്തുകയും ചതി പ്രയോഗത്തിലേക്ക് തന്നെ ബിജെപിക്കാരനായി ചിത്രീകരിക്കുകയുമായിരുന്നുവെന്നും ഉണ്ടായ സംഭവങ്ങളിൽ ഖേദമുണ്ടെന്നും അഖിൽ പറഞ്ഞു.
Tags : Youth Congress