ഒ​രി​ക്ക​ൽ ന​മ്മു​ടെ ക​ർ​ഷ​ക​ർ വ​ന്യ​ജീ​വി​ക​ളെ ഭ​യ​ക്കാ​തെ പ​ണി​യെ​ടു​ക്കു​ക​യും പ്രാ​ണ​ഭ​യ​മി​ല്ലാ​തെ കി​ട​ന്നു​റ​ങ്ങു​ക​യും ചെ​യ്യും. അ​വ​രു​ടെ വി​ള​ക​ൾ​ക്ക് അ​ധ്വാ​ന​ത്തി​നൊ​ത്ത ഫ​ലം കി​ട്ടും. വ​നം​വ​കു​പ്പ് ഉ​ദ്യോ​ഗ​സ്ഥ​രെ ജ​ന​ദ്രോ​ഹി​ക​ളാ​കാ​ൻ അ​നു​വ​ദി​ക്കാ​ത്ത സ​ർ​ക്കാ​ർ വ​രും.

തെ​രു​വു​ക​ളി​ൽ അ​ല​ഞ്ഞു​തി​രി​യു​ന്ന നാ​യ​ക​ളു​ണ്ടാ​കി​ല്ല. വ​ഴി​ക​ളും പു​ഴ​ക​ളും പ്ലാ​സ്റ്റി​ക്കും മാ​ലി​ന്യ​ങ്ങ​ളും നി​റ​ഞ്ഞ​താ​യി​രി​ക്കി​ല്ല. മാ​ലി​ന്യം ത​രം​തി​രി​ച്ചു നി​ക്ഷേ​പി​ക്കാ​ൻ വീ​ടു​ക​ൾ​ക്ക​ടു​ത്തു സ്ഥി​രം സം​വി​ധാ​ന​മു​ണ്ടാ​കും. അ​വ അ​ന്ന​ന്നു നി​ർ​മാ​ർ​ജ​നം ചെ​യ്യും.

വി​നോ​ദ​സ​ഞ്ചാ​രി​ക​ൾ വൃ​ത്തി​കെ​ട്ട കാ​ഴ്ച​ക​ൾ കാ​ണേ​ണ്ടി​വ​രി​ല്ല. സ്ത്രീ​ക​ൾ ഉ​ൾ​പ്പെ​ടെ ആ​രും ക്രി​മി​ന​ലു​ക​ളെ​യും മ​യ​ക്കു​മ​രു​ന്ന​ടി​മ​ക​ളെ​യും ഭ​യ​ന്ന് ഓ​ടി​യൊ​ളി​ക്കി​ല്ല. സ​ർ​വ​ക​ലാ​ശാ​ല​ക​ൾ രാ​ഷ്‌​ട്രീ​യ കു​റ്റ​വാ​ളി​ക​ളു​ടെ നി​യ​ന്ത്ര​ണ​ത്തി​ലാ​യി​രി​ക്കി​ല്ല.

വി​ദ്യാ​ർ​ഥി​ക​ൾ പ​ഠി​ക്കാ​ൻ നാ​ടു വി​ടി​ല്ല. പി​ൻ​വാ​തി​ൽ നി​യ​മ​ന​ങ്ങ​ൾ പ​ഴ​ങ്ക​ഥ​ക​ളാ​യി മാ​റും. അ​ക്കാ​ല​ത്ത് സ​ർ​ക്കാ​രു​ക​ൾ വ​ർ​ഗീ​യ​ത വ​ള​ർ​ത്തി​ല്ല. രാ​ഷ്‌​ട്രീ​യ​ക്കാ​ർ വോ​ട്ടി​നു​വേ​ണ്ടി വ​ർ​ഗീ​യ​ത​യു​ടെ​യും തീ​വ്ര​വാ​ദ​ത്തി​ന്‍റെ​യും പ്രാ​യോ​ജ​ക​രാ​കാ​തെ വി​ക​സ​ന​ത്തി​ലൂ​ന്നി​യ പ്ര​ചാ​ര​ണം മാ​ത്രം ന​ട​ത്തും. അ​വ​ർ വ​ർ​ഗീ​യ സം​ഘ​ട​ന​ക​ളെ ത​ള്ളി​പ്പ​റ​യും.

സ​മൂ​ഹ​മാ​ധ്യ​മ​ങ്ങ​ൾ വെ​റു​പ്പു​ത്പാ​ദ​ന കേ​ന്ദ്ര​ങ്ങ​ളാ​കി​ല്ല. ആ​ദി​വാ​സി​ക​ളും ദ​ളി​ത​രും ഒ​രു വി​വേ​ച​ന​വും അ​നു​ഭ​വി​ക്കി​ല്ല. അ​ഴി​മ​തി​ക്കാ​ർ​ക്ക് ഭ​ര​ണ​ക​ർ​ത്താ​ക്ക​ളോ ഉ​ദ്യോ​ഗ​സ്ഥ​രോ ആ​കാ​നാ​കി​ല്ല... തു​ട​ങ്ങി​യ കാ​ര്യ​ങ്ങ​ൾ ഇ​ന്നു ചി​ന്തി​ക്കാ​നാ​കി​ല്ല.

പ​ക്ഷേ, മാ​റി​മാ​റി വ​ന്ന ഭ​ര​ണ​കൂ​ട​ങ്ങ​ൾ കെ​ട്ടി​ത്താ​ഴ്ത്തി​യ പ​ടു​കു​ഴി​യി​ൽ​നി​ന്ന് ഒ​രി​ക്ക​ൽ നാം ​ക​ര ക​യ​റും. അ​തി​നാ​യി സ​മ​യ​ബ​ന്ധി​ത​മാ​യി പ്ര​യ​ത്നി​ക്കു​മെ​ന്ന് പ്ര​തി​ജ്ഞ​യെ​ടു​ക്കാ​നു​ള്ള ദി​വ​സ​മാ​ണി​ന്ന്; 70-ാമ​തു കേ​ര​ള​പ്പി​റ​വി​ദി​നം.

ഭാ​ഷാ​ടി​സ്ഥാ​ന​ത്തി​ൽ സം​സ്ഥാ​ന​ങ്ങ​ളെ പു​നഃ​സം​ഘ​ടി​പ്പി​ച്ച​തി​ന്‍റെ ഭാ​ഗ​മാ​യി തി​രു​വി​താം​കൂ​റും കൊ​ച്ചി​യും മ​ല​ബാ​റും ചേ​ർ​ന്ന് 1956 ന​വം​ബ​ർ ഒ​ന്നി​നു കേ​ര​ള സം​സ്ഥാ​നം പി​റ​ന്നു. രാ​ജാ​ക്ക​ന്മാ​രെ സ്ഥാ​ന​ഭ്ര​ഷ്‌​ട​രാ​ക്കി ജ​നാ​ധി​പ​ത്യ ഭ​ര​ണ​കൂ​ട​ങ്ങ​ൾ യാ​ഥാ​ർ​ഥ്യ​മാ​യി. നാ​ലു മാ​സ​ത്തി​ന​കം, 1957 ഫെ​ബ്രു​വ​രി 28ന് ​ആ​ദ്യ പൊ​തു​തെ​ര​ഞ്ഞെ​ടു​പ്പ്‌ ന​ട​ന്നു.

ഇ​എം​എ​സി​ന്‍റെ നേ​തൃ​ത്വ​ത്തി​ൽ ഇ​ട​തു​പ​ക്ഷ സ​ർ​ക്കാ​ർ അ​ധി​കാ​ര​ത്തി​ലെ​ത്തി. ഇ​ട​തും വ​ല​തു​മാ​യി 23 സ​ർ​ക്കാ​രു​ക​ൾ മാ​റി​മാ​റി ഭ​രി​ച്ചു. എ​ന്നി​ട്ടും സ്വ​പ്ന​മാ​യി അ​വ​ശേ​ഷി​ക്കു​ന്ന ചി​ല കാ​ര്യ​ങ്ങ​ളാ​ണ് മു​ക​ളി​ൽ പ​റ​ഞ്ഞ​ത്. അ​വ​യെ​ക്കു​റി​ച്ചാ​ണ് മാ​ധ്യ​മ​ങ്ങ​ൾ ഏ​റ്റ​വും കൂ​ടു​ത​ൽ മു​ഖ​പ്ര​സം​ഗ​ങ്ങ​ളെ​ഴു​തി​യ​ത്. അ​വ പ​രി​ഹ​രി​ക്കു​മെ​ന്ന നു​ണ​ക​ൾ പ​റ​ഞ്ഞാ​ണ് പാ​ർ​ട്ടി​ക​ൾ തെ​ര​ഞ്ഞെ​ടു​പ്പു​ക​ളെ നേ​രി​ടു​ന്ന​ത്.

പ​ക്ഷേ, അ​വ സ​മ​യ​ബ​ന്ധി​ത​മാ​യി ന​ട​പ്പാ​ക്കാ​ൻ ദീ​ർ​ഘ​വീ​ക്ഷ​ണ​മു​ള്ള ഭ​ര​ണാ​ധി​കാ​രി​ക​ൾ ഇ​ല്ലാ​തെ​പോ​യി. ജ​നാ​ധി​പ​ത്യ-​മ​തേ​ത​ര സം​ര​ക്ഷ​ണ​വും വി​ക​സ​ന ആ​സൂ​ത്ര​ണ​ങ്ങ​ളും ഭ​ര​ണ-​പ്ര​തി​പ​ക്ഷ​ങ്ങ​ളെ ഏ​ൽ​പ്പി​ച്ച് ജ​നം വി​മ​ർ​ശ​ക​രാ​യി മാ​റി​നി​ന്നു. നീ​റു​ന്ന വി​ഷ​യ​ങ്ങ​ളി​ൽ​പോ​ലും കേ​ന്ദ്ര​വും സം​സ്ഥാ​ന​വും പ​ര​സ്പ​രം പ​ഴി​ചാ​രി കെ​ടു​കാ​ര്യ​സ്ഥ​ത​യു​ടെ ചു​മ​ത​ല ത​ങ്ങ​ൾ​ക്ക​ല്ലെ​ന്നു ന്യാ​യീ​ക​രി​ച്ചു. അ​ങ്ങ​നെ 70 കേ​ര​ള​പ്പി​റ​വി​ദി​ന​ങ്ങ​ൾ!

വീ​ണ്ടു​മൊ​രു തെ​ര​ഞ്ഞെ​ടു​പ്പി​ന്‍റെ ആ​ര​വ​ത്തി​ലേ​ക്കു കേ​ര​ളം ചു​വ​ടു​വ​യ്ക്കു​ക​യാ​ണ്. വോ​ട്ട​ർ​പ​ട്ടി​ക​യി​ൽ പേ​രു ചേ​ർ​ക്കു​ന്നി​ടം മു​ത​ൽ ജ​നം ഉ​ത്ത​ര​വാ​ദി​ത്വം നി​റ​വേ​റ്റേ​ണ്ട​തു​ണ്ട്. മു​ക​ളി​ൽ പ​റ​ഞ്ഞ​തു​ൾ​പ്പെ​ടെ​യു​ള്ള വി​ഷ​യ​ങ്ങ​ളി​ലൂ​ന്നി, വ​രു​ന്ന തെ​ര​ഞ്ഞെ​ടു​പ്പെ​ങ്കി​ലും ന​ട​ത്താ​നാ​യി​ല്ലെ​ങ്കി​ൽ കേ​ര​ള​പ്പി​റ​വി ആ​ഘോ​ഷി​ച്ചു​കൊ​ണ്ടി​രി​ക്കും; ന​വ​കേ​ര​ളം പി​റ​ക്കി​ല്ല.

വാ​ഗ്ദാ​ന​ങ്ങ​ൾ ന​ട​പ്പാ​ക്കാ​ൻ സ​മ​യം നി​ശ്ച​യി​ക്കാ​ത്ത പ്ര​ക​ട​ന​പ​ത്രി​ക​ക​ളെ​ല്ലാം വ​ഞ്ച​ന​യു​ടെ വി​ല​കെ​ട്ട ക​ട​ലാ​സു​ക​ളാ​ണെ​ന്നു തി​രി​ച്ച​റി​യ​ണം. ഉ​ദാ​ഹ​ര​ണ​ത്തി​ന്, സം​സ്ഥാ​ന​ത്തി​ന്‍റെ ഏ​റ്റ​വും വ​ലി​യ ദു​ര​ന്ത​മാ​യി മാ​റി​യ വ​ന്യ​ജീ​വി​ശ​ല്യം എ​ന്നു പ​രി​ഹ​രി​ക്കു​മെ​ന്ന് പാ​ർ​ട്ടി​ക​ൾ പ​റ​യ​ട്ടെ.

യ​ഥാ​ർ​ഥ ത​ട​സ​മാ​യ, കാ​ല​ഹ​ര​ണ​പ്പെ​ട്ട 1972ലെ ​വ​നം-​വ​ന്യ​ജീ​വി സം​ര​ക്ഷ​ണ നി​യ​മ​ത്തെ​ക്കു​റി​ച്ചു​ള്ള നി​ല​പാ​ട് മു​ന്ന​ണി​ക​ൾ വി​ശ​ദീ​ക​രി​ക്ക​ട്ടെ. സം​സ്ഥാ​ന നേ​താ​ക്ക​ളും ദേ​ശീ​യ നേ​താ​ക്ക​ളും ര​ണ്ടു വ​ർ​ത്ത​മാ​നം പ​റ​യു​ന്ന കാ​പ​ട്യം അ​വ​സാ​നി​പ്പി​ക്ക​ണം. ഭ​ര​ണ​കാ​ലാ​വ​ധി ക​ഴി​യാ​റാ​കു​ന്പോ​ൾ വ​ന്യ​ജീ​വി ശ​ല്യം പ​രി​ഹ​രി​ക്കാ​നി​റ​ങ്ങു​ന്ന തെ​ര​ഞ്ഞെ​ടു​പ്പു പൊ​റാ​ട്ടു​നാ​ട​ക​വും അ​നു​വ​ദി​ക്ക​രു​ത്.

വ​ന്യ​ജീ​വി-​തെ​രു​വു​നാ​യ വി​ഷ​യ​ങ്ങ​ളി​ൽ കേ​ന്ദ്ര​മാ​ണ് തീ​രു​മാ​ന​മെ​ടു​ക്കേ​ണ്ട​തെ​ങ്കി​ൽ ത​ങ്ങ​ൾ​ക്ക​തി​നു ക​ഴി​വി​ല്ലെ​ന്ന് തെ​ര​ഞ്ഞെ​ടു​പ്പി​നു മു​ന്പേ പ​റ​യ​ട്ടെ. നി​യ​മ​സ​ഭ​യി​ലും പാ​ർ​ല​മെ​ന്‍റി​ലും പാ​ർ​ട്ടി​ക​ൾ​ക്കു ര​ണ്ടു നി​ല​പാ​ട് പാ​ടി​ല്ല. നാ​ടി​നെ വി​ഴു​ങ്ങു​ന്ന വ​ർ​ഗീ​യ-​തീ​വ്ര​വാ​ദ വി​ഷ​യ​ങ്ങ​ളി​ൽ തെ​ര​ഞ്ഞെ​ടു​പ്പി​നു മു​ന്പ് മു​ന്ന​ണി​ക​ൾ അ​ഭി​പ്രാ​യം പ​റ​യ​ട്ടെ. സ​മ്മ​തി​ദാ​യ​ക​ർ​ക്കു തീ​രു​മാ​നം എ​ടു​ക്കാ​മ​ല്ലോ. മു​ഖം​മൂ​ടി​ക​ൾ കീ​റേ​ണ്ട​തു ജ​ന​മാ​ണ്.

കേ​ര​ള​ത്തി​ന്‍റെ സാ​ന്പ​ത്തി​ക​നി​ല മെ​ച്ച​പ്പെ​ടു​ത്താ​നു​ള്ള പ​ദ്ധ​തി മു​ന്ന​ണി​ക​ൾ പ്ര​ഖ്യാ​പി​ക്ക​ട്ടെ. അ​ഴി​മ​തി​യും ധൂ​ർ​ത്തും ന​ട​ത്തു​ന്ന ഭ​ര​ണ​കൂ​ട​ങ്ങ​ൾ വ​രു​ത്തു​ന്ന ക​ട​ത്തി​നു പ​ലി​ശ​യ​ട​യ്ക്കാ​ന​ല്ല ജ​നം പ​ണി​യെ​ടു​ക്കു​ന്ന​ത്. സാ​ന്പ​ത്തി​ക വി​ദ​ഗ്ധ​രെ ഉ​ൾ​പ്പെ​ടു​ത്തി വ്യ​ക്ത​മാ​യൊ​രു സാ​ന്പ​ത്തി​ക ന​യം പ്ര​ഖ്യാ​പി​ക്ക​ണം. ക​ഴി​വു​കെ​ട്ട രാ​ഷ്‌​ട്രീ​യ​ക്കാ​രി​ൽ​നി​ന്ന് ആ​സൂ​ത്ര​ണ​ങ്ങ​ളെ​ല്ലാം മാ​റ്റ​ണം.

വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ​നി​ന്ന് രാ​ഷ്‌​ട്രീ​യ കു​ടി​യാ​ന്മാ​രെ ആ​ട്ടി​പ്പാ​യി​ച്ച് വി​ദ്യാ​ഭ്യാ​സ വി​ച​ക്ഷ​ണ​രെ ഏ​ൽ​പ്പി​ക്ക​ണം. അ​ഴി​മ​തി​ക്കാ​രെ​ന്നു തെ​ളി​യി​ക്ക​പ്പെ​ട്ട ഉ​ദ്യോ​ഗ​സ്ഥ​രെ ജോ​ലി​യി​ൽ തു​ട​രാ​ൻ അ​നു​വ​ദി​ക്ക​രു​ത്.

പ​ഞ്ചാ​യ​ത്ത് തെ​ര​ഞ്ഞെ​ടു​പ്പാ​ണ് ആ​ദ്യം. മാ​ലി​ന്യ നി​ർ​മാ​ർ​ജ​ന​ത്തി​ന്‍റെ പ​രീ​ക്ഷ​ണ​ങ്ങ​ളൊ​ന്നും വി​ജ​യി​ച്ചി​ട്ടി​ല്ല. മാ​സ​ത്തി​ലൊ​രി​ക്ക​ൽ പ്ലാ​സ്റ്റി​ക് പെ​റു​ക്കി​യാ​ലൊ​ന്നും കേ​ര​ളം വൃ​ത്തി​യാ​കി​ല്ല. വീ​ടു​ക​ൾ​ക്ക​ടു​ത്തു വി​വി​ധ മാ​ലി​ന്യ​ങ്ങ​ൾ ത​രം​തി​രി​ച്ചു നി​ക്ഷേ​പി​ക്കാ​നു​ള്ള സം​ഭ​ര​ണി​ക​ളും അ​വ അ​ന്ന​ന്നു ശേ​ഖ​രി​ക്കാ​നു​ള്ള സം​വി​ധാ​ന​വും എ​ന്നു​ണ്ടാ​കു​മെ​ന്നു പ​റ​യ​ട്ടെ. അ​വ​സാ​ന​ത്തെ തെ​രു​വു​നാ​യ​യെ വ​രെ മാ​റ്റു​ന്ന തീ​യ​തി പ​റ​യ​ട്ടെ.

കേ​ര​ള​ത്തി​ന്‍റെ പ്ര​ശ്ന​ങ്ങ​ൾ ന​മു​ക്ക​റി​യാം. 70 കൊ​ല്ല​മാ​യി​ട്ട് അ​തി​ലേ​റെ​യും പ​രി​ഹ​രി​ക്കാ​നാ​യി​ട്ടി​ല്ലെ​ന്നു​മ​റി​യാം. എ​ന്നു പ​രി​ഹ​രി​ക്കു​മെ​ന്നു പ​റ​യാ​ത്ത​താ​ണ് പ്ര​ധാ​ന കാ​ര​ണം. എ​ന്നു ന​ട​പ്പാ​ക്കു​മെ​ന്നു പ​റ​ഞ്ഞ് ഉ​ത്ത​ര​വാ​ദ​പ്പെ​ട്ട​വ​ർ ഒ​പ്പു​വ​യ്ക്കാ​ത്ത പ്ര​ക​ട​ന​പ​ത്രി​ക​ക​ൾ അ​റ​ബി​ക്ക​ട​ലി​ലെ​റി​യാ​ൻ സ​മ​യ​മാ​യി.

അ​ഴി​മ​തി​ക്കാ​രും ക​ഴി​വു​കെ​ട്ട​വ​രു​മാ​യ ഭ​ര​ണാ​ധി​കാ​രി​ക​ൾ ക​സേ​ര​യി​ൽ സ്വ​യം ക​യ​റി​യി​രു​ന്ന​ത​ല്ല. പ്ര​സം​ഗ​ങ്ങ​ളും പ്ര​ക​ട​ന​പ​ത്രി​ക​ക​ളും വി​ശ്വ​സി​ച്ച ജ​നം ക​യ​റ്റി​യി​രു​ത്തി​യ​താ​ണ്. ഒ​രു വോ​ട്ട് ചെ​യ്ത് പ്ര​ശ്ന​പ​രി​ഹാ​ര​മെ​ല്ലാം ജ​ന​പ്ര​തി​നി​ധി​ക​ളെ ഏ​ൽ​പ്പി​ച്ച് റീ​ൽ​സും ക​ണ്ടി​രി​ക്കു​ന്ന ന​മു​ക്കു തെ​റ്റു തി​രു​ത്താ​നു​ള്ള സ​മ​യ​മാ​ണ് തെ​ര​ഞ്ഞെ​ടു​പ്പു​ക​ൾ.

അ​തു​ക​ഴി​ഞ്ഞാ​ൽ അ​ഞ്ചു വ​ർ​ഷ​ത്തെ നി​സ​ഹാ​യാ​വ​സ്ഥ​യാ​ണ്. ഞ​ങ്ങ​ള​തു ചെ​യ്യു​മെ​ന്നു പ​റ​യു​ന്ന നേ​താ​ക്ക​ളെ​ക്കൊ​ണ്ട് എ​ന്നു ചെ​യ്യു​മെ​ന്നു പ​റ​യി​ക്കാ​നാ​യാ​ൽ പു​തി​യൊ​രു കേ​ര​ളം പി​റ​ക്കും. സ്ഥാ​നാ​ർ​ഥി​ക​ളു​ടെ ക​ക്ഷി​രാ​ഷ്‌​ട്രീ​യ​മ​ല്ല, സ​മ്മ​തി​ദാ​യ​ക​രു​ടെ രാ​ഷ്‌​ട്രീ​യ​ബോ​ധ​മാ​ണ് ജ​നാ​ധി​പ​ത്യ​ത്തെ നി​ർ​വ​ചി​ക്കേ​ണ്ട​ത്.

സ്വാ​ത​ന്ത്ര്യ​സ​മ​രാ​ന​ന്ത​രം ജ​നം വി​ട്ടു​കൊ​ടു​ത്ത അ​ധി​കാ​രം, ദു​ഷി​പ്പി​ച്ച​വ​രി​ൽ​നി​ന്നു തി​രി​ച്ചു​പി​ടി​ക്കാ​ൻ സ​മ​യ​മാ​യി.

Tags : editorial