“പാ​ർ​ല​മെ​ന്‍റ് അം​ഗ​ങ്ങ​ൾ എ​പ്പോ​ഴും എ​ന്തി​നെ​ക്കു​റി​ച്ചെ​ങ്കി​ലും ബ​ഹ​ളം​വ​ച്ചു​കൊ​ണ്ടി​രി​ക്കാ​ൻ ഞാ​ൻ ശ്ര​ദ്ധ പു​ല​ർ​ത്തും. അ​ല്ലെ​ങ്കി​ൽ അ​വ​ർ ചി​ന്തി​ക്കാ​ൻ തു​ട​ങ്ങും.”- ഇ​ന്ത്യ​ക്കു സ്വാ​ത​ന്ത്ര്യം ല​ഭി​ക്കു​ന്ന​തി​നു തൊ​ട്ടു​മു​ന്പും അ​തി​നു​ശേ​ഷ​വും ബ്രി​ട്ടീ​ഷ് പ്ര​ധാ​ന​മ​ന്ത്രി​യാ​യി​രു​ന്ന വി​ൻ​സ്റ്റ​ൺ ച​ർ​ച്ചി​ലി​ന്‍റെ പ​തി​റ്റാ​ണ്ടു​ക​ൾ പ​ഴ​ക്ക​മു​ള്ള വാ​ക്കു​ക​ളാ​ണ്. ഏ​താ​ണ്ട് അ​തേ പാ​ർ​ല​മെ​ന്‍റ​റി സം​വി​ധാ​ന​മു​ള്ള ഇ​ന്ത്യ​യി​ലെ ഇ​ന്ന​ത്തെ സ്ഥി​തി നോ​ക്കാം.

2025 ഡി​സം​ബ​ർ ഒ​ന്ന്. പാ​ർ​ല​മെ​ന്‍റി​ന്‍റെ ശീ​ത​കാ​ല സ​മ്മേ​ള​നം തു​ട​ങ്ങു​ക​യാ​ണ്. തെ​ലു​ങ്കാ​ന​യി​ലെ കോ​ൺ​ഗ്ര​സ് രാ​ജ്യ​സ​ഭാ എം​പി രേ​ണു​ക ചൗ​ധ​രി​യു​ടെ കാ​ർ പാ​ർ​ല​മെ​ന്‍റ് വ​ള​പ്പി​ലെ​ത്തി. കാ​റി​നു​ള്ളി​ൽ ഒ​രു പ​ട്ടി​ക്കു​ട്ടി​യു​മു​ണ്ട്.

അ​പ​ക​ട​ത്തി​ൽ പെ​ടാ​തി​രി​ക്കാ​ൻ വ​ഴി​യി​ൽ​നി​ന്നു കാ​റി​ൽ ക​യ​റ്റി​യ​താ​ണെ​ന്നാ​യി​രു​ന്നു രേ​ണു​ക​യു​ടെ മ​റു​പ​ടി. നാ​യ​യെ വ​ള​പ്പി​ൽ ക​യ​റ്റി​യ​ത് അ​നാ​ദ​ര​വാ​ണെ​ന്നു ഭ​ര​ണ​പ​ക്ഷം. പാ​ർ​ല​മെ​ന്‍റി​ൽ ഭ​ര​ണ-​പ്ര​തി​പ​ക്ഷ​ങ്ങ​ൾ പ​ര​സ്പ​രം ഏ​റ്റു​മു​ട്ടി.

അ​തേ​സ​മ​യം, രാ​ജ്യ​മാ​കെ നി​റ​ഞ്ഞ തെ​രു​വു​നാ​യ​ക​ളെ​ക്കു​റി​ച്ചോ അ​വ​യു​ടെ ക​ടി​യേ​റ്റ് കൊ​ല്ല​പ്പെ​ട്ട മ​നു​ഷ്യ​രെ​ക്കു​റി​ച്ചോ ച​ർ​ച്ച​യി​ല്ല. പി​ന്നെ 10 മ​ണി​ക്കൂ​ർ ‘വ​ന്ദേ​മാ​ത​രം’ ച​ർ​ച്ച. 150 വ​ർ​ഷം മു​ന്പ് എ​ഴു​തി​യ പാ​ട്ടി​ലെ ഒ​ഴി​വാ​ക്കി​യ വ​രി​ക​ളു​ടെ പേ​രി​ൽ മ​രി​ച്ചു​പോ​യ സ്വാ​ത​ന്ത്ര്യ​സ​മ​ര സേ​നാ​നി​ക​ളെ വി​ചാ​ര​ണ ചെ​യ്യു​ക​യാ​ണ്.

നാ​യ ച​ർ​ച്ച​യു​ടെ സ​മ​യ​ത്ത് പ്ര​തി​പ​ക്ഷ​നേ​താ​വ് രാ​ഹു​ൽ ഗാ​ന്ധി ചോ​ദി​ച്ച​ത്, ഇ​താ​ണോ ഇ​ന്ത്യ ച​ർ​ച്ച ചെ​യ്യേ​ണ്ട വി​ഷ​യ​മെ​ന്നാ​ണ്. പ​ക്ഷേ, അ​ടു​ത്ത വാ​ർ​ത്ത, രാ​ഹു​ൽ ഗാ​ന്ധി പാ​ർ​ല​മെ​ന്‍റ് സ​മ്മേ​ള​നം മു​ട​ക്കി ജ​ർ​മ​നി​ക്കു പോ​കു​ക​യാ​ണെ​ന്നാ​ണ്. ഇ​ന്ത്യ​യു​ടെ നീ​റു​ന്ന പ്ര​ശ്ന​ങ്ങ​ൾ ച​ർ​ച്ച ചെ​യ്യാ​ൻ മ​റ്റു​ള്ള​വ​രെ ഉ​പ​ദേ​ശി​ച്ച് അ​ദ്ദേ​ഹ​വും സ്ഥ​ലം വി​ടു​ന്നു. ഉ​ള്ള​താ​ണ്... ച​ർ​ച്ചി​ലി​ന്‍റെ പ്രേ​തം പ​ഴ​യ കോ​ള​നി​യി​ലു​ണ്ട്.

എം​പി​മാ​ർ ബ​ഹ​ളം വ​ച്ചു​കൊ​ണ്ടി​രി​ക്കാ​ൻ, അ​ർ​ഥ​ശൂ​ന്യ​മാ​യ ച​ർ​ച്ച​ക​ളി​ൽ സ​മ​യം കൊ​ല്ലാ​ൻ, ച​ർ​ച്ച​യി​ല്ലാ​തെ ബി​ല്ലു​ക​ൾ പാ​സാ​ക്കി​യെ​ടു​ക്കാ​ൻ, സ​മ്മേ​ള​ന​ങ്ങ​ൾ ബ​ഹി​ഷ്ക​രി​ക്കാ​ൻ... അ​ങ്ങ​നെ രാ​ജ്യ​ത്തെ​യും ജ​ന​ങ്ങ​ളെ​യും​കു​റി​ച്ചു ചി​ന്തി​ക്കാ​തി​രി​ക്കാ​ൻ ഇ​രു​പ​ക്ഷ​വും ശ്ര​ദ്ധ പു​ല​ർ​ത്തു​ക​യാ​ണ്.

മി​നി​റ്റി​നു കു​റ​ഞ്ഞ​തു 2.5 ല​ക്ഷം രൂ​പ​യെ​ങ്കി​ലും ഖ​ജ​നാ​വി​ൽ​നി​ന്നു ചെ​ല​വ​ഴി​ക്കു​ന്ന പാ​ർ​ല​മെ​ന്‍റ് സ​മ്മേ​ള​ന​ത്തെ​യാ​ണ് അം​ഗ​ങ്ങ​ൾ സ​ർ​ക്ക​സ് കൂ​ടാ​ര​മാ​ക്കു​ന്ന​ത്. പു​റ​ത്ത് മ​ലി​ന​വാ​യു മ​നു​ഷ്യ​രെ കൊ​ല്ലു​ന്നു, ജ​നാ​ധി​പ​ത്യ​ത്തി​ന്‍റെ അ​ടി​സ്ഥാ​ന​മാ​യ തെ​ര​ഞ്ഞെ​ടു​പ്പു​ക​ൾ സം​ശ​യ​നി​ഴ​ലി​ലാ​കു​ന്നു, ന്യൂ​ന​പ​ക്ഷ​ങ്ങ​ളും ദ​ളി​ത​രും ആ​ദി​വാ​സി​ക​ളും നി​ര​ന്ത​രം ആ​ക്ര​മി​ക്ക​പ്പെ​ടു​ന്നു, അ​ന്വേ​ഷ​ണ ഏ​ജ​ൻ​സി​ക​ൾ ഭ​ര​ണ​ക​ക്ഷി​യു​ടെ ശ​ത്രു​ക്ക​ളെ തെ​ര​യു​ന്നു, വി​ശ​പ്പി​ന്‍റെ​യും മാ​ധ്യ​മ​സ്വാ​ത​ന്ത്ര്യ​ത്തി​ന്‍റെ​യും മ​ത​സ്വാ​ത​ന്ത്ര്യ​ത്തി​ന്‍റെ​യും പ​ട്ടി​ക​ക​ളി​ൽ ലോ​ക​സ​മ​ക്ഷം നാ​ണം​കെ​ടു​ന്നു, തൊ​ഴി​ലി​ല്ലാ​യ്മ രൂ​ക്ഷ​മാ​കു​ന്നു, രൂ​പ​യു​ടെ മൂ​ല്യം ത​ക​ർ​ന്നു ത​രി​പ്പ​ണ​മാ​കു​ന്നു, വി​മാ​ന​മി​ല്ലാ​തെ യാ​ത്ര​ക്കാ​ർ ടി​ക്ക​റ്റു​മാ​യി അ​ല​യു​ന്നു, ദേ​ശീ​യ​പാ​ത​ക​ൾ ഒ​ന്നി​നു​പി​റ​കെ മ​റ്റൊ​ന്നാ​യി ഇ​ടി​ഞ്ഞു​താ​ഴു​ന്നു...

ചി​ന്തി​ക്കാ​നു​ള്ള അ​വ​സ​രം പാ​ഴാ​കു​ന്ന​തി​ൽ സ​ർ​ക്കാ​ർ ആ​ന​ന്ദി​ച്ചു​ല്ല​സി​ക്കു​ന്നു. ഇ​തി​ന്‍റെ​യൊ​ന്നും ഗൗ​ര​വം തി​രി​ച്ച​റി​യാ​ത്ത പ്ര​തി​പ​ക്ഷ നേ​താ​വ് ബ​ർ​ലി​നി​ൽ ഏ​തോ മീ​റ്റിം​ഗി​ൽ എ​ന്തോ പ​റ​യാ​ൻ പോ​കു​ന്നു. രാ​ഹു​ൽ, നി​ങ്ങ​ൾ ആ​റു ദി​വ​സ​ത്തെ സ​ന്ദ​ർ​ശ​ന​ത്തി​നു വി​മാ​ന​ത്താ​വ​ള​ത്തി​ലേ​ക്കു പാ​വ​ങ്ങ​ളു​ടെ ചേ​രി​വ​ഴി പോ​കൂ, ആ ​മ​നു​ഷ്യ​രു​ടെ മു​ഖ​ത്തേ​ക്കു നോ​ക്കൂ, തെ​രു​വു​ക​ൾ നി​റ​ഞ്ഞ അ​ക്ര​മാ​സ​ക്ത​രാ​യ നാ​യ്ക്ക​ളെ കാ​ണൂ, പു​റ​ത്തി​റ​ങ്ങി വി​ഷ​പ്പു​ക​യു​ടെ ക​രി​മേ​ഘ​ങ്ങ​ളെ കാ​ണൂ, നി​ങ്ങ​ളു​ടെ മു​ത്ത​ശി​യു​ടെ പേ​രി​ലു​ള്ള വി​മാ​ന​ത്താ​വ​ള​ത്തി​ലെ​ത്തു​ന്പോ​ൾ യാ​ത്ര മു​ട​ങ്ങി​യ ആ​യി​ര​ക്ക​ണ​ക്കി​ന് ഇ​ന്ത്യ​ക്കാ​രെ ഓ​ർ​ക്കൂ.

ഈ ​സ​മ​യ​ത്ത് ബ​ർ​ലി​നി​ലെ കു​ടും​ബ​യോ​ഗ​ങ്ങ​ൾ​ക്കാ​ണോ ഡ​ൽ​ഹി​യി​ലെ പാ​ർ​ല​മെ​ന്‍റ് സ​മ്മേ​ള​ന​ത്തി​നാ​ണോ നി​ങ്ങ​ളെ ആ​വ​ശ്യ​മു​ള്ള​ത്. നി​ങ്ങ​ളും നി​ങ്ങ​ളു​ടെ പാ​ർ​ട്ടി​യും ചി​ന്തി​ക്കു​ന്നി​ല്ലെ​ങ്കി​ലും ജ​നം ചി​ന്തി​ക്കു​ന്നു​ണ്ട്, ഈ ​രാ​ജ്യം നി​ങ്ങ​ളെ​യൊ​ക്കെ ഏ​ൽ​പ്പി​ച്ചാ​ൽ എ​ന്ത് ഉ​ത്ത​ര​വാ​ദി​ത്വ​മാ​യി​രി​ക്കും ഉ​ള്ള​തെ​ന്ന്.

പാ​ർ​ല​മെ​ന്‍റി​ന്‍റെ ഇ​രു​സ​ഭ​ക​ളും വ​ർ​ഷ​ത്തി​ൽ മൂ​ന്നു ത​വ​ണ​യാ​ണ് സാ​ധാ​ര​ണ ചേ​രു​ന്ന​ത്. അ​ടി​യ​ന്ത​ര​ഘ​ട്ട​ങ്ങ​ളി​ൽ പ്ര​ത്യേ​ക സ​മ്മേ​ള​ന​ങ്ങ​ൾ രാ​ഷ്‌​ട്ര​പ​തി വി​ളി​ച്ചു​ചേ​ർ​ക്കും. ഈ ​സ​മ്മേ​ള​ന​ങ്ങ​ളി​ലാ​ണ് രാ​ജ്യ​ത്തി​ന്‍റെ വി​ക​സ​ന​വും ജ​ന​ങ്ങ​ളു​ടെ ഭാ​വി​യും തീ​രു​മാ​നി​ക്കു​ന്ന​ത്.

നി​ർ​ണാ​യ​ക വി​ഷ​യ​ങ്ങ​ളെ അ​പ്ര​സ​ക്ത​മാ​ക്കാ​ൻ വി​വാ​ദ​ങ്ങ​ളെ ച​ർ​ച്ച​യ്ക്കെ​ടു​ക്കു​ന്ന സ​ർ​ക്കാ​രി​ന്‍റെ ഇ​ത്ത​വ​ണ​ത്തെ ത​ന്ത്ര​ങ്ങ​ളി​ലാ​ണ് ‘വ​ന്ദേ​മാ​ത​രം’ വ​ന്ന​ത്. ഈ ​ആ​ത്മാ​ർ​ഥ​ത സ്വാ​ത​ന്ത്ര്യ​സ​മ​ര​കാ​ല​ത്ത് ഉ​ണ്ടാ​യി​രു​ന്നെ​ങ്കി​ലെ​ന്നാ​ണ് ഇ​ന്ത്യ​ക്കാ​രി​ലേ​റെ​യും ചി​ന്തി​ക്കു​ന്ന​ത്.

പ്ര​ധാ​ന​മ​ന്ത്രി പ്ര​വ​ര്‍​ത്ത​ന സ​മ​യ​ത്തി​ന്‍റെ പ​കു​തി​യോ​ളം രാ​ജ്യ​ത്തി​നു പു​റ​ത്താ​ണ് ചെ​ല​വ​ഴി​ക്കു​ന്ന​തെ​ന്നും പി​ന്നെ​ന്തി​നാ​ണ് പ്ര​തി​പ​ക്ഷ നേ​താ​വി​നെ വി​മ​ര്‍​ശി​ക്കു​ന്ന​തെ​ന്നു​മു​ള്ള പ്രി​യ​ങ്ക​യു​ടെ മ​റു​പ​ടി മോ​ദി​യോ​ടോ ബി​ജെ​പി​യോ​ടോ ആ​കാം.

പ​ക്ഷേ, രാ​ജ്യ​ത്തി​ന് അ​തു പോ​രാ. 1952ൽ ​തു​ട​ങ്ങി 57ൽ ​അ​വ​സാ​നി​ച്ച ഒ​ന്നാം ലോ​ക്സ​ഭ​യു​ടെ കാ​ല​ത്ത് പ്ര​തി​വ​ർ​ഷം 135 ദി​വ​സം സ​ഭ സ​മ്മേ​ളി​ച്ചി​രു​ന്നെ​ങ്കി​ൽ 2019 മു​ത​ൽ 2024 വ​രെ​യു​ള്ള ക​ഴി​ഞ്ഞ ലോ​ക​സ​ഭ​യി​ൽ ശ​രാ​ശ​രി 55 ദി​വ​സ​മാ​ണ് സ​ഭ സ​മ്മേ​ളി​ച്ച​ത്. അ​തി​നി​ടെ വി​വാ​ദ​ങ്ങ​ൾ കൊ​ഴു​പ്പി​ച്ച സ​ർ​ക്കാ​ർ ച​ർ​ച്ച​യി​ല്ലാ​തെ സു​പ്ര​ധാ​ന ബി​ല്ലു​ക​ൾ പാ​സാ​ക്കി​യെ​ടു​ക്കു​ക​യും ചെ​യ്തു. സ​ർ​ക്കാ​രും പ്ര​തി​പ​ക്ഷ​വും ചേ​ർ​ന്ന് ജ​ന​ങ്ങ​ളെ വ​ഞ്ചി​ക്കു​ക​യാ​ണ്.

ജ​നാ​ധി​പ​ത്യ​ത്തെ പ​രാ​ജ​യ​പ്പെ​ടു​ത്താ​ൻ വ്യാ​ജ​വോ​ട്ട​ർ​പ​ട്ടി​ക​ത​ന്നെ വേ​ണ​മെ​ന്നി​ല്ല, അ​ല​സ​രും ഗൃ​ഹ​പാ​ഠം ചെ​യ്യാ​ത്ത​വ​രും പാ​ർ​ട്ട്ടൈം രാ​ഷ്‌​ട്രീ​യ​ക്കാ​രു​മാ​യ പാ​ർ​ല​മെ​ന്‍റം​ഗ​ങ്ങ​ളു​ണ്ടാ​യാ​ലും മ​തി. കാ​ന​ഡ​യു​ടെ പ്ര​ധാ​ന​മ​ന്ത്രി​യാ​യി​രു​ന്ന ജോ​ൺ ജോ​ർ​ജ് ഡി​ഫെ​ൻ​ബേ​ക്ക​റു​ടെ വി​ഖ്യാ​ത​മാ​യൊ​രു വാ​ക്യ​മു​ണ്ട്.

“പാ​ർ​ല​മെ​ന്‍റ് എ​ന്നാ​ൽ, ന​ട​പ​ടി​ക്ര​മ​ങ്ങ​ൾ​ക്ക​പ്പു​റം രാ​ജ്യ​ത്തെ സ്വാ​ത​ന്ത്ര്യ​ത്തി​ന്‍റെ സൂ​ക്ഷി​പ്പു​കാ​രാ​ണ്.” പ്രി​യ​പ്പെ​ട്ട പാ​ർ​ല​മെ​ന്‍റ് അം​ഗ​ങ്ങ​ളേ, പൂ​ർ​വി​ക​ർ നേ​ടി​ത്ത​ന്ന സ്വാ​ത​ന്ത്ര്യ​ത്തെ കാ​ത്തു​പ​രി​പാ​ലി​ക്കാ​ൻ പോ​ലും നി​ങ്ങ​ൾ​ക്കാ​കു​ന്നി​ല്ല​ല്ലോ! വ​ഴി​മാ​റി​ക്കൊ​ടു​ക്കു​ന്നു​മി​ല്ല​ല്ലോ!

Tags : editorial