ചെ​ങ്ങ​ന്നൂ​ർ: കേ​ന്ദ്രസ​ർ​ക്കാ​രി​ന്‍റെ സ്വ​കാ​ര്യ​വ​ത്ക​ര​ണ ന​യ​ങ്ങ​ളു​ടെ ഭാ​ഗ​മാ​യി കേ​ര​ള​ത്തി​ലെ ത​പാ​ൽ ശൃം​ഖ​ല​യി​ൽ വ​ൻ അ​ഴി​ച്ചു​പ​ണി. സം​സ്ഥാ​ന​ത്തെ 300 പോ​സ്റ്റ് ഓ​ഫീ​സു​ക​ൾ നി​ർ​ത്ത​ലാ​ക്കാ​നോ ല​യി​പ്പി​ക്കാ​നോ ഉ​ള്ള നീ​ക്കം സ​ജീ​വ​മാ​യി. നി​ല​വി​ൽ 36 ഓ​ഫീ​സു​ക​ൾ പൂ​ട്ടി​ക്ക​ഴി​ഞ്ഞു. അ​ടു​ത്ത ഘ​ട്ട​ത്തി​ൽ 86 എ​ണ്ണംകൂ​ടി പൂ​ട്ടാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണ്.

കേ​ര​ള​ത്തി​ലെ ത​പാ​ൽ ഓ​ഫീ​സു​ക​ളി​ൽ 80 ശ​ത​മാ​ന​വും ഗ്രാ​മ​പ്ര​ദേ​ശ​ങ്ങ​ളി​ലാ​ണ് പ്ര​വ​ർ​ത്തി​ക്കു​ന്ന​ത്. കു​റ​ഞ്ഞ ചെ​ല​വി​ൽ സ്പീ​ഡ് പോ​സ്റ്റ്, ര​ജി​സ്റ്റേ​ഡ് ത​പാ​ൽ, പാ​ഴ്സ​ൽ എ​ന്നി​വ ബു​ക്ക് ചെ​യ്യാ​നു​ള്ള സൗ​ക​ര്യം ഇ​തോ​ടെ ഇ​ല്ലാ​താ​കും. കൂ​ടാ​തെ, ഗ്രാ​മീ​ണ​ർ ഏ​റെ ആ​ശ്ര​യി​ക്കു​ന്ന സേ​വ​ന​ങ്ങ​ളെ ഇ​ത് നേ​രി​ട്ടു ബാ​ധി​ക്കും.

​പോ​സ്റ്റ​ൽ സേ​വിം​ഗ്സ് അ​ക്കൗ​ണ്ടു​ക​ളി​ലെ നി​ക്ഷേ​പ​ങ്ങ​ളും പി​ൻ​വ​ലി​ക്ക​ലു​ക​ളും ബു​ദ്ധി​മു​ട്ടി​ലാ​കും. ഓ​ൺ​ലൈ​ൻ ഷോ​പ്പിം​ഗ് ന​ട​ത്തു​ന്ന​വ​ർ​ക്ക് ത​പാ​ൽ വ​ഴി​യു​ള്ള സേ​വ​നം ല​ഭി​ക്കാ​ൻ പ്ര​യാ​സ​മേ​റും. ക​ഴി​ഞ്ഞ ഓ​ഗ​സ്റ്റി​ൽ എ​ടു​ത്ത തീ​രു​മാ​ന​പ്ര​കാ​രം ഇ​തി​നോ​ട​കംത​ന്നെ വി​വി​ധ ഡി​വി​ഷ​നു​ക​ളി​ൽ ഓ​ഫീ​സു​ക​ൾ പൂ​ട്ടി​ക്ക​ഴി​ഞ്ഞു. ​ഒ​റ്റ​പ്പാ​ലം-അഞ്ച്, ക​ണ്ണൂ​ർ-നാല്, പാ​ല​ക്കാ​ട്, കാ​സ​ർ​ഗോഡ്, ഇ​രി​ങ്ങാ​ല​ക്കു​ട, ച​ങ്ങ​നാ​ശേ​രി-മൂന്നു വീ​തം, ​തൃ​ശൂ​ർ, മ​ഞ്ചേ​രി, തി​രൂ​ർ, വ​ട​ക​ര, എ​റ​ണാ​കു​ളം, തി​രു​വ​ന​ന്ത​പു​രം (നോ​ർ​ത്ത്/​സൗ​ത്ത്) - രണ്ടു വീ​തം, ​കൊ​ല്ലം - ഒ​ന്ന് എ​ന്നി​ങ്ങ​നെ​യാ​ണ് പോ​സ്റ്റ് ഓ​ഫീ​സു​ക​ൾ പൂ​ട്ടി​യി​രി​ക്കു​ന്ന​ത്.

​പോ​സ്റ്റ​ൽ ആ​ക്ട് ഭേ​ദ​ഗ​തി ചെ​യ്ത് കേ​ന്ദ്രസ​ർ​ക്കാ​ർ കൊ​ണ്ടു​വ​ന്ന പു​ന​ർ ഏ​കീ​ക​ര​ണ ന​യ​ത്തി​ന്‍റെ ഭാ​ഗ​മാ​യാ​ണ് ഈ ​ന​ട​പ​ടി. ന​ഗ​ര​ങ്ങ​ളി​ൽ ര​ണ്ടു കി​ലോ​മീ​റ്റ​ർ പ​രി​ധി​യി​ലും ഗ്രാ​മ​ങ്ങ​ളി​ൽ അ​ഞ്ചു കി​ലോ​മീ​റ്റ​ർ പ​രി​ധി​യി​ലും ഒ​ന്നി​ല​ധി​കം ഓ​ഫീ​സു​ക​ളു​ണ്ടെ​ങ്കി​ൽ അ​വ മാ​റ്റു​ക​യോ നി​ർ​ത്ത​ലാ​ക്കു​ക​യോ ചെ​യ്യ​ണ​മെ​ന്നാ​ണ് കേ​ന്ദ്രവാ​ദം. ത​പാ​ൽ ഓ​ഫീ​സു​ക​ൾ ഇ​ല്ലാ​ത്തി​ട​ത്തേ​ക്ക് സേ​വ​ന​മെ​ത്തി​ക്കാ​നാ​ണ് ഇ​തെ​ന്നും സ​ർ​ക്കാ​ർ അ​വ​കാ​ശ​പ്പെ​ടു​ന്നു.

​എ​ന്നാ​ൽ, സേ​വ​ന​ങ്ങ​ൾ വെ​ട്ടി​ക്കു​റ​ച്ച് ഈ ​മേ​ഖ​ല​യെ പൂ​ർ​ണ​മാ​യും സ്വ​കാ​ര്യ​വ​ത്കരി​ക്കാ​നു​ള്ള ത​ന്ത്ര​മാ​ണി​തെ​ന്ന് പ​ര​ക്കെ ആ​ക്ഷേ​പ​മു​ണ്ട്. വീ​ടി​ന​ടു​ത്തു​ള്ള സേ​വ​ന​ങ്ങ​ൾ ന​ഷ്ട​പ്പെ​ട്ട്, കി​ലോ​മീ​റ്റ​റു​ക​ൾ താ​ണ്ടി പ്ര​ധാ​ന ഓ​ഫീ​സു​ക​ളി​ൽ എ​ത്തേ​ണ്ടിവ​രു​ന്ന​ത് ജ​ന​ങ്ങ​ൾ​ക്ക് വ​ലി​യ സാ​മ്പ​ത്തി​ക-സ​മ​യ ന​ഷ്ട​ങ്ങളു​ണ്ടാ​ക്കും.

Tags : Post offices closed Speed ​​Post Registered Post Parcel