തിരുവനന്തപുരം: തലസ്ഥാനത്ത് 916 മുദ്രയുള്ള മുക്കുപണ്ടം പണയം വച്ച് പണം തട്ടിയ കേസിൽ നാല് പേർ പിടിയിൽ. ചാരുംകുഴി സ്വദേശി അരുണ് (39), അയൽവാസിയായ അഭിലാഷ് (31), ആറ്റൂർ സ്വദേശി ഷാജു (36) മാരായമുട്ടം സ്വദേശി രഞ്ജിത്ത് (38) എന്നിവരാണ് പിടിയിലായത്.
വെള്ളറടയിലും പരിസരങ്ങളിലുമായി മൂന്നിടങ്ങളിൽ ഇത്തരത്തിൽ തട്ടിപ്പ് നടത്തിയ പ്രതികൾ നാലാമതും തട്ടിപ്പിന് ശ്രമിച്ചപ്പോൾ സ്ഥാപന ഉടമയ്ക്ക് സംശയം തോന്നിയതോടെയാണ് പിടിയിലായത്. അഞ്ചുമരംകാലയിലെ സ്ഥാപനത്തിലാണ് ഇവർ തട്ടിപ്പ് നടത്തിയത്.
ജീവനക്കാർക്ക് സംശയം തോന്നിയെന്ന് മനസിലാക്കിയതോടെ പ്രതികൾ ഓടി രക്ഷപ്പെടുകയായിരുന്നു. തുടർന്ന് സ്ഥാപന ഉടമ വെള്ളറട പോലീസിൽ വിവരം അറിയിച്ചു. പോലീസ് അന്വേഷണത്തിലാണ് പ്രതികൾ പിടിയിലായത്.
ഇവര് തട്ടിപ്പ് നടത്താനെത്തിയ വാഹനവും ആഭരണങ്ങളും പോലീസ് കസ്റ്റഡിയില് എടുത്തു. ചോദ്യം ചെയ്തപ്പോഴാണ് തട്ടിപ്പിന്റെ കൂടുതൽ വിവരങ്ങൾ പുറത്തുവന്നത്.
Tags : kerala police crime news vellarada trivandrum