തിരുവനന്തരപുരം: തദ്ദേശ തെരഞ്ഞെടുപ്പ് അടുത്തിരിക്കെ ശബരിമല സ്വര്ണക്കൊള്ള സജീവ ചര്ച്ചയാക്കാന് കോണ്ഗ്രസ്. അമ്പലക്കള്ളന്മാര് കടക്ക് പുറത്ത് എന്ന ക്യാപ്ഷനോടെ സോഷ്യല് മീഡിയായില് ക്യാമ്പയിൻ ആരംഭിച്ചു.
തദ്ദേശ തെരഞ്ഞെടുപ്പ് വേളയിൽ രാഹുല് മാങ്കൂട്ടത്തിൽ എംഎല്എയുടെ ലൈംഗിക പീഡന കേസിൽ കോൺഗ്രസ് പ്രതിരോധത്തിലായ പശ്ചാത്തലത്തിലാണ് പുതിയ നീക്കം. ശബരിമല സ്വർണക്കടത്ത് ഉപയോഗിച്ചാണ് സിപിഎമ്മിനെതിരെ കോൺഗ്രസ് പ്രതിരോധം.
പ്രതിപക്ഷനേതാവ് വി.ഡി.സതീശന്, കെപിസിസി പ്രസിഡന്റ് സണ്ണി ജോസഫ്, യുഡിഎഫ് കണ്വീനര് അടൂര് പ്രകാശ് ഉൾപ്പെടെയുള്ള മുതിർന്ന നേതാക്കൾ തങ്ങളുടെ സോഷ്യൽ മീഡിയ അക്കൗണ്ടുകളുടെ കവർ പേജ് മാറ്റി ഈ പ്രചാരണത്തിന് തുടക്കമിട്ടു.
Tags : social media campaign congress sabarimala gold case