കൊച്ചി: കൊച്ചി കോർപറേഷനിലെ ഡെപ്യൂട്ടി മേയർ സ്ഥാനത്തെ ചൊല്ലിയുള്ള മുസ്ലിം ലീഗിന്റെ അവകാശവാദത്തിൽ പ്രതികരിച്ച് എറണാകുളം ഡിസിസി. കെപിസിസിയിൽ നിന്ന് അത്തരം ഒരു നിർദേശം ലഭിച്ചിട്ടില്ലെന്ന് ഡിസിസി അധ്യക്ഷൻ അറിയിച്ചു.
ഡെപ്യൂട്ടി മേയർ സ്ഥാനം പങ്കിടാൻ ധാരണ ഇല്ലെന്നും ഡിസിസി അധ്യക്ഷൻ വ്യക്തമാക്കി. കോർപറേഷനിൽ ഒരു വർഷം ഡെപ്യൂട്ടി മേയർ പദവി ഉറപ്പാക്കിയതായി ലീഗ് അറിയിച്ചിരുന്നു. ടി. കെ. അഷ്റഫിനെ ഡെപ്യൂട്ടി മേയർ സ്ഥാനത്തേക്ക് പരിഗണിക്കുമെന്നും മുസ്ലിം ലീഗ് വ്യക്തമാക്കിയിരുന്നു.
കുഞ്ഞാലിക്കുട്ടി കോൺഗ്രസ് നേതാക്കളുമായി നടത്തിയ ചർച്ചയിൽ ലീഗ് - കോൺഗ്രസ് തർക്കം പരിഹരിച്ചെന്ന് ലീഗ് ജില്ലാ കമ്മിറ്റി വാർത്ത സമ്മേളനത്തിലാണ് അറിയിച്ചത്. ഇതിന് പിന്നാലെയാണ് മുസ്ലീം ലീഗിന്റെ അവകാശവാദങ്ങളെ തള്ളി എറണാകുളം ഡിസിസി രംഗത്തെത്തിയിരിക്കുന്നത്.
Tags : Kochi Corporation deputy mayor Muslim League ernakulam dcc