സി​ഡ്നി: കി​ര​ൺ ജെ​യിം​സ് ഇ​നി ലോ​ക കേ​ര​ള സ​ഭാം​ഗം. മ​മ്മൂ​ട്ടി​യു​ടെ ഫാ​മി​ലി ക​ണ​ക്ട് പ​ദ്ധ​തി​യു​ടെ ന്യൂ ​സൗ​ത്ത് വെ​യ്ൽ​സ് കോ​ർ​ഡി​നേ​റ്റ​റും മ​മ്മൂ​ട്ടി ഫാ​ൻ​സ് ആ​ൻ​ഡ് വെ​ൽ​ഫെ​യ​ർ അ​സോ​സി​യേ​ഷ​ൻ ഇ​ന്‍റ​ർ​നാ​ഷ​ണ​ൽ ഓ​സ്ട്രേ​ലി​യ വി​ഭാ​ഗ​ത്തി​ന്‍റെ സെ​ക്ര​ട്ട​റി​യു​മാ​ണ് കി​ര​ൺ ജെ​യിം​സ്.

ന​വോ​ദ​യ ഓ​സ്ട്രേ​ലി​യ​യു​ടെ സെ​ൻ​ട്ര​ൽ ക​മ്മി​റ്റി അം​ഗ​മാ​യും കേ​ര​ള ബി​സി​ന​സ് ആ​ൻ​ഡ് പ്രൊ​ഫെ​ഷ​ണ​ൽ ചേം​ബ​ർ ഓ​സ്‌​ട്രേ​ലി​യ​യു​ടെ സെ​ക്ര​ട്ട​റി​യാ​യും സേ​വ​നം അ​നു​ഷ്ഠി​ക്കു​ന്ന കി​ര​ൺ ജെ​യിം​സ് ക​ഴി​ഞ്ഞ ഒ​രു ദ​ശാ​ബ്ദ​ത്തോ​ള​മാ​യി ഓ​സ്ട്രേ​ലി​യ​യി​ലെ സാ​മൂ​ഹി​ക-​സാം​സ്കാ​രി​ക രം​ഗ​ത്ത് ശ്ര​ദ്ധേ​യ​മാ​യ മു​ഖ​മാ​ണ്.

ന​വോ​ദ​യ ഓ​സ്‌​ട്രേ​ലി​യ​യാ​ണ് കി​ര​ണി​നെ ലോ​ക കേ​ര​ള സ​ഭ​യി​ലേ​യ്ക്ക് നാ​മ​നി​ർ​ദ്ദേ​ശം ചെ​യ്ത​ത്. ജ​നു​വ​രി 29 മു​ത​ൽ 31 വ​രെ തി​രു​വ​ന​ന്ത​പു​ര​ത്ത് കേ​ര​ള നി​യ​മ​സ​ഭ​യി​ൽ വ​ച്ചാ​ണ് അ​ഞ്ചാം ലോ​ക കേ​ര​ള​സ​ഭ ന​ട​ക്കു​ന്ന​ത്. പു​തി​യ ഉ​ത്ത​ര​വാ​ദി​ത്വം ഓ​സ്ട്രേ​ലി​യ​യി​ലെ മ​ല​യാ​ളി​ക​ളു​ടെ ക്ഷേ​മ​ത്തി​നും സ​മൂ​ഹ വി​ക​സ​ന​ത്തി​നു​മാ​യി കൂ​ടു​ത​ൽ കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കാ​ൻ പ്ര​ചോ​ദ​നം ന​ൽ​കു​ന്നു​വെ​ന്നും കി​ര​ൺ ജെ​യിം​സ് അ​റി​യി​ച്ചു.

ഓ​സ്ട്രേ​ലി​യ​യി​ലെ കു​ടി​യേ​റ്റ മ​ല​യാ​ളി​ക​ളു​ടെ നാ​ട്ടി​ലു​ള്ള ബ​ന്ധു​ക്ക​ളു​ടെ ആ​രോ​ഗ്യ സം​ര​ക്ഷ​ണ​ത്തി​നാ​യി ആ​രം​ഭി​ച്ച ഫാ​മി​ലി ക​ണ​ക്ട് പ​ദ്ധ​തി രാ​ജ​ഗി​രി ആ​ശു​പ​ത്രി​യു​ടെ സ​ഹ​ക​ര​ണ​ത്തോ​ടെ മ​മ്മൂ​ട്ടി​യു​ടെ കെ​യ​ർ ആ​ൻ​ഡ് ഷെ​യ​ർ ഇ​ന്‍റ​ർ​നാ​ഷ​ണ​ൽ ഫൗ​ണ്ടേ​ഷ​ൻ ആ​ണ് ന​ട​പ്പാ​ക്കു​ന്ന​ത്.

ഇ​തി​നോ​ട​കം ആ​യി​ര​ക്ക​ണ​ക്കി​ന് പ്ര​വാ​സി മ​ല​യാ​ളി​ക​ൾ​ക്ക് പ്ര​യോ​ജ​ന​മാ​യ ഈ ​പ​ദ്ധ​തി​യു​ടെ ദേ​ശീ​യ കോ​ർ​ഡി​നേ​റ്റ​റാ​യി​രു​ന്ന ജി​ൻ​സ​ൺ ആ​ന്‍റോ ചാ​ൾ​സ് മു​മ്പ് നോ​ർ​ത്തേ​ൺ ടെ​റി​ട്ട​റി പാ​ർ​ല​മെ​ന്‍റിലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടി​രു​ന്നു. തു​ട​ർ​ന്ന് അ​ദ്ദേ​ഹം ഓ​സ്ട്രേ​ലി​യ​യി​ലെ ആ​ദ്യ​ത്തെ ഇ​ന്ത്യ​ൻ വം​ശ​ജ​നാ​യ മ​ന്ത്രി​യും ആ​യി സ്ഥാ​ന​മേ​റ്റി​രു​ന്നു.

Tags : kiran james loka keralasabha mammooty sydney business