തിരുവനന്തപുരം: ബലാത്സംഗ കേസിൽ അറസ്റ്റിലായ രാഹുൽ മാങ്കൂട്ടത്തിൽ എംഎൽഎയെ അയോഗ്യനാക്കണമെന്നാവശ്യപ്പെട്ട് സ്പീക്കർ എ.എൻ. ഷംസീറിന് പരാതി നൽകി ഡി.കെ. മുരളി എംഎൽഎ. നിരന്തരം ക്രിമിനൽ കേസിൽ പ്രതിയായതിനാൽ അയോഗ്യനാക്കണമെന്നാണ് ആവശ്യം.
രാഹുൽ മാങ്കൂട്ടത്തിലിനെ എംഎൽഎ സ്ഥാനത്ത് നിന്ന് അയോഗ്യനാക്കണമെങ്കിൽ നിയമസഭാംഗം പരാതി നൽകേണ്ടതുണ്ടെന്ന് സ്പീക്കർ എ.എൻ. ഷംസീര് ഇന്ന് നടത്തിയ വാർത്താ സമ്മേളനത്തില് പറഞ്ഞിരുന്നു. ഇതിന് പിന്നാലെയാണ് ഡി.കെ. മുരളി എംഎൽഎ പരാതി നൽകിയത്.
പരിശോധിച്ച ശേഷം പരാതി നിയമസഭാ പ്രിവിലേജ് ആൻഡ് എത്തിക്സ് കമ്മിറ്റിക്ക് വിടണോ എന്ന് സ്പീക്കർ തീരുമാനിക്കും. നിയമോപദേശം നോക്കിയാകും തുടർനടപടി. അതേസമയം രാഹുൽ മാങ്കൂട്ടത്തില് ബലാത്സംഗ കേസിൽ അറസ്റ്റിലായത് സഭയുടെ അന്തസിനെ ബാധിക്കില്ലെന്ന് സ്പീക്കർ പറഞ്ഞു.
വ്യക്തികളല്ല സഭയുടെ അന്തസ് തീരുമാനിക്കുക. ഒരു കൊട്ടയിലെ ഒരു മാങ്ങ കെട്ടാൽ എല്ലാം മോശമായി എന്ന് പറയാൻ കഴിയില്ലല്ലോ എന്ന് ചോദിച്ച സ്പീക്കർ സ്ത്രീകളെ ബഹുമാനിക്കാൻ പഠിക്കണം, അല്ലെങ്കിൽ പഠിപ്പിക്കണമെന്നും കൂട്ടിച്ചേർത്തു.
Tags : rahul mankoottathil dk murali an shamseer palakkad