തിരുവനന്തപുരം: കേരള പോലീസിലെ ഒൻപത് ഉദ്യോഗസ്ഥർക്ക് ഐപിഎസ് ലഭിച്ചു. സർവീസിലുള്ളവരും വിരമിച്ചവരും ഉൾപ്പെടെയുള്ള ഒൻപത് ഉദ്യോഗസ്ഥർക്കാണ് 2023- 24 വർഷത്തെ ഐപിഎസ് അനുവദിച്ചു കേന്ദ്ര ആഭ്യന്തര മന്ത്രാലയം വിജ്ഞാപനമിറക്കിയത്.
2023ലെ പട്ടികയിൽ ഉൾപ്പെട്ട എ. നാസിം (മറൈൻ എൻഫോഴ്സ്മെന്റ്), 2024ലെ പട്ടികയിലെ എൻ. രാജൻ (എസ്പി, കെഎസ്ഇബി വിജിലൻസ്), ജി. സാബു (എസ്പി, എസ്എസ്ബി കോഴിക്കോട് റേഞ്ച്), പി. വിക്രമൻ (വിജിലൻസ് ഓഫീസർ, എക്സൈസ്) എന്നിവർക്കും സർവീസിൽനിന്ന് വിരമിച്ച സി.എസ്. ഷാഹുൽ ഹമീദ്, ബി. കൃഷ്ണകുമാർ, പ്രീജിഷ് തോട്ടത്തിൽ, ഇ.എൻ. സുരേഷ്, എ.യു. സുനിൽ കുമാർ എന്നിവർക്കുമാണ് ഐപിഎസ് ലഭിച്ചത്.
Tags : police officers promoted IPS