കൊച്ചി: യുഡിഎഫ് മുന്നണി വിപുലീകരിക്കുന്നതിന്റെ ഭാഗമായി പി.വി.അൻവറിനെയും സി.കെ.ജാനുവിനെയും വിഷ്ണുപുരം ചന്ദ്രശേഖറിനെയും യുഡിഎഫിൽ ഉൾപ്പെടുത്തി. ഇവരെ അസോസിയേറ്റ് അംഗങ്ങളാക്കാൻ കൊച്ചിയിൽ ചേർന്ന യോഗത്തിൽ ധാരണയായി.
നേരത്തെ തന്നെ മുന്നണിയുടെ ഭാഗമാകാന് താത്പര്യം പ്രകടിപ്പിച്ച് ഇവർ കത്ത് നൽകിയിരുന്നു. കേരള കോണ്ഗ്രസ് -എം നിലപാട് പറയട്ടെയെന്നും യോഗം വ്യക്തമാക്കി. അങ്ങോട്ട് പോയി ചര്ച്ചയില്ല.
വരാനിരിക്കുന്ന നിയമസഭ തെരഞ്ഞെടുപ്പിൽ നേരത്തെ ഒരുങ്ങാനുള്ള തീരുമാനത്തിലാണ് യുഡിഎഫ്. സീറ്റ് വിഭജനം നേരത്തെ തീർക്കും. ജനുവരിയിൽ സീറ്റ് വിഭജനം തീർക്കാൻ യോഗത്തിൽ ധാരണയായിട്ടുണ്ട്.
തദ്ദേശ തെരഞ്ഞെടുപ്പിലെ വിജയത്തിലെ പ്രതീക്ഷയില് മുന്നോട്ട് പോകാനാണ് യുഡിഎഫിന്റെ തീരുമാനം. വിജയസാധ്യതയുള്ള സ്ഥാനാര്ഥികളെ കളത്തിലിറക്കാനാണ് യുഡിഎഫിന്റെ തീരുമാനം.