ക​ണ്ണൂ​ര്‍: സി​പി​എം നേ​തൃ​ത്വ​ത്തെ പ്ര​തി​രോ​ധ​ത്തി​ലാ​ക്കി എം​എ​ൽ​എ ന​ട​ത്തി​യ ഫ​ണ്ട് വെ​ട്ടി​പ്പു​ക​ളു​ടെ ക​ഥ​ക​ൾ തു​റ​ന്ന​ടി​ച്ച് മു​തി​ർ​ന്ന നേ​താ​വ്. സി​പി​എം ജി​ല്ലാ ക​മ്മി​റ്റി​യം​ഗ​വും മു​തി​ർ​ന്ന നേ​താ​വു​മാ​യ വി. ​കു​ഞ്ഞി​കൃ​ഷ്ണ​നാ​ണ് പ​യ്യ​ന്നൂ​ർ എം​എ​ൽ​എ ടി.​ഐ. മ​ധു​സൂ​ദ​ന​നെ​തി​രെ ഒ​രു ചാ​ന​ൽ അ​ഭി​മു​ഖ​ത്തി​ൽ ഗു​രു​ത​ര​മാ​യ വെ​ളി​പ്പെ​ടു​ത്തൽ നടത്തിയ​ത്.

ടി.​ഐ. മ​ധു​സൂ​ദ​ന​ൻ പ​യ്യ​ന്നൂ​ർ ഏ​രി​യാ സെ​ക്ര​ട്ട​റി​യാ​യി​രു​ന്ന​പ്പോ​ൾ തെ​ര​ഞ്ഞെ​ടു​പ്പ് ഫ​ണ്ട്, ര​ക്ത​സാ​ക്ഷി ഫ​ണ്ട്, കെ​ട്ടി​ട നി​ർ​മാ​ണ ഫ​ണ്ട് എന്നിവയിലും സ​ഹ​ക​ര​ണ സ്ഥാ​പ​ന​ത്തി​ന് സ്ഥ​ലം വാ​ങ്ങി​യ​തി​ലും ത​ട്ടി​പ്പ് ന​ട​ത്തി​യെ​ന്നാ​ണ് ചാ​ന​ൽ അ​ഭി​മു​ഖ​ത്തി​ൽ വി. ​കു​ഞ്ഞി​കൃ​ഷ്ണ​ൻ വെ​ളി​പ്പെ​ടു​ത്തി​യ​ത്.

ര​ക്ത​സാ​ക്ഷി ധ​ന​രാ​ജി​ന്‍റെ കു​ടും​ബത്തെ സ​ഹാ​യി​ക്കാ​നു​ള്ള നി​ക്ഷേ​പം, വീ​ട് നി​ർ​മാ​ണം, കേ​സ് ന​ട​ത്തി​പ്പ് എ​ന്നി​വ​യ്ക്കാ​യി ഒ​രു​കോ​ടി​യോ​ളം രൂ​പ പി​രി​ച്ചി​രു​ന്നു. ഇ​തി​ല്‍ 34.5 ല​ക്ഷം രൂ​പ വീ​ട് നി​ർ​മാ​ണ​ത്തി​നാ​യി ചെ​ല​വാ​ക്കി​യ​പ്പോ​ൾ അ​ഞ്ചു ല​ക്ഷം രൂ​പ ഏ​രി​യാ സെ​ക്ര​ട്ട​റി വ്യ​ക്തി​ഗ​ത അ​ക്കൗ​ണ്ടി​ലേ​ക്ക് മാ​റ്റി. ഇ​ക്കാ​ര്യം വി​വാ​ദ​മാ​യ​തോ​ടെ​യാ​ണ് ര​ക്ത​സാ​ക്ഷി​യു​ടെ ക​ട​ബാ​ധ്യ​ത തീ​ർ​ക്കാ​ൻ ത​യാ​റാ​യ​തെ​ന്ന് പ​റ​യു​ന്നു.

ബാ​ക്കി തുക ​പാ​ർ​ട്ടി ഓ​ഫീ​സ് നി​ർ​മാ​ണ​ത്തി​ന് ചെ​ല​വാ​യെ​ന്ന് പ​റ​ഞ്ഞ് ഒ​തു​ക്കി​യെ​ന്നാ​ണ് ആ​രോ​പ​ണം. തെ​ര​ഞ്ഞെ​ടു​പ്പ് ഫ​ണ്ടി​ലേ​ക്ക് 20 പേ​രി​ൽനി​ന്ന് 23 ല​ക്ഷം രൂ​പ പി​രി​ച്ചെ​ടു​ത്തെ​ങ്കി​ലും എ​ട്ടു പേ​രി​ൽനി​ന്ന് സ​മാ​ഹ​രി​ച്ച തു​ക​യു​ടെ ക​ണ​ക്ക് രേ​ഖ​പ്പെ​ടു​ത്തി​യി​ല്ലെ​ന്നാ​ണ് മ​റ്റൊ​രു ആ​രോ​പ​ണം.

റി​യ​ൽ എ​സ്റ്റേ​റ്റു​കാ​ര​നു​മാ​യി ചേ​ർ​ന്നാ​യി​രു​ന്നു പി​രി​വ് ന​ട​ത്തി​യ​തെ​ന്നും കു​റ്റ​പ്പെ​ടു​ത്തു​ന്നു. ഓ​ഫീ​സ് നി​ർ​മാ​ണ​ത്തി​ന്‍റെ പേ​രി​ൽ 70 ല​ക്ഷ​ത്തി​ന്‍റെ​യും വെ​ട്ടി​പ്പ് ന​ട​ത്തു​ക​യു​ണ്ടാ​യി. ഇ​ക്കാ​ര്യ​ങ്ങ​ൾ മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്ത​പ്പോ​ൾ മാ​ധ്യ​മ​ങ്ങ​ൾ​ക്കെ​തി​രെ വ​ക്കീ​ൽ നോ​ട്ടീ​സ് അ​യ​ച്ച് ജ​ന​ങ്ങ​ളു​ടെ ക​ണ്ണി​ൽ പൊ​ടി​യി​ടു​ക​യാ​ണ് ടി.​ഐ. മ​ധു​സൂ​ദ​ന​ൻ ചെ​യ്ത​തെ​ന്നും ​കു​ഞ്ഞി​കൃ​ഷ്ണ​ൻ അ​ഭി​മു​ഖ​ത്തി​ൽ പ​റ​ഞ്ഞു.

പാ​ർ​ട്ടി​ക്കു​ള്ളി​ൽ ഇ​ക്കാ​ര്യ​ങ്ങ​ൾ ചൂ​ണ്ടി​ക്കാ​ട്ടി​യ​പ്പോ​ൾ പാ​ർ​ട്ടി അ​ന്വേ​ഷ​ണ​ക​മ്മീ​ഷ​നെ നി​യോ​ഗി​ച്ച് അ​ന്വേ​ഷ​ണം ന​ട​ത്തി. സാ​ന്പ​ത്തി​ക വെ​ട്ടി​പ്പ് ന​ട​ന്നി​ട്ടി​ല്ലെ​ന്നും ക​ണ​ക്കു​ക​ൾ അ​വ​ത​രി​പ്പി​ക്കു​ന്ന​ത് വൈ​കി​യ​താ​ണെ​ന്ന് പ​റ​ഞ്ഞ് ത​ട്ടി​പ്പി​ന് വെ​ള്ള​പൂ​ശു​ക​യാ​യി​രു​ന്നു​വെ​ന്നും അ​ഭി​മു​ഖ​ത്തി​ൽ തു​റ​ന്ന​ടി​ക്കു​ന്നു​ണ്ട്.

Tags : v kunjikrishnan CPM Party funds