തിരുവനന്തപുരം: സിപിഎം പത്തനംതിട്ട ജില്ലാ കമ്മിറ്റി അംഗവും കോന്നി മുൻ എംഎൽഎയും മുൻ ദേവസ്വം ബോർഡ് പ്രസിഡന്റുമായിരുന്ന എ. പത്മകുമാറിന്റെ അറസ്റ്റോടെ ഉന്നത രാഷ്ട്രീയ ഗൂഢാലോന വ്യക്തമായതായി എഐസിസി ജനറൽ സെക്രട്ടറി കെ.സി. വേണുഗോപാൽ എംപി.
സിപിഎം നേതാവായ എൻ. വാസുവിന്റെ അറസ്റ്റോടെ വെളിവായിത്തുടങ്ങിയ ഉന്നത രാഷ്ട്രീയ ബന്ധവും കൊള്ളയ്ക്കു പിന്നിലെ ഗൂഢാലോചനയും പത്മകുമാറിന്റെ അറസ്റ്റോടെ സുവ്യക്തമായിരിക്കുകയാണ്.
ദേവസ്വം പ്രസിഡന്റ് അറസ്റ്റിലാകുന്പോൾ ബോർഡിനു മുകളിൽ പ്രവർത്തിച്ച അന്നത്തെ ദേവസ്വം മന്ത്രിയിലേക്കുകൂടി അന്വേഷണം സ്വാഭാവികമായി എത്തേണ്ടതാണ്. എന്നാൽ അതിലേക്ക് പോകാൻ അന്വേഷണസംഘം മടിച്ചുനിൽക്കുന്നതു പോലെയാണ് പൊതുസമൂഹത്തിനു തോന്നുന്നത്. മോഷ്ടിക്കപ്പെട്ട സ്വർണം വിറ്റത്തിൽനിന്ന് എത്ര കോടി സിപിഎം നേതാക്കൾക്കു കിട്ടിയെന്നതും അന്വേഷിക്കണമെന്നു വേണുഗോപാൽ പറഞ്ഞു.
Tags : Pathmakumar's arrest K.C. Venugopal