ADVERTISEMENT
ചങ്ങനാശേരി: മാനേജ്മെന്റ് വിദ്യാഭ്യാസരംഗത്തെ ശ്രേഷ്ഠ വ്യക്തിത്വമായ പ്രഫ. ജെ. ഫിലിപ്പിനെ ലെയോ പതിനാലാമന് മാര്പാപ്പ ഷെവലിയര് പദവി നല്കി ആദരിച്ചു.
ചങ്ങനാശേരി അതിരൂപതയിലെ പുളിങ്കുന്ന് ഫൊറോനാ പുന്നക്കുന്നത്തുശേരി ഇടവകാംഗമാണ്. ബാംഗളൂര് ഇന്ത്യന് ഇന്സ്റ്റിറ്റ്യൂട്ട് ഓഫ് മാനേജ്മെന്റിന്റെ മുന് ഡയറക്ടര്, ഇന്ത്യന് മാനേജ്മെന്റ് അസോസിയേഷന് ദേശീയ സ്ഥാപക പ്രസിഡന്റ് തുടങ്ങിയ പദവികളിൽ ശ്രദ്ധ നേടിയ വ്യക്തിയാണ് അദ്ദേഹം.
സേവ്യര് ഇന്സ്റ്റിറ്റ്യൂട്ട് ഓഫ് മാനേജ്മെന്റ് ആന്ഡ് എന്റർപ്രണര്ഷിപ്പ് (സൈം) ബംഗളൂര്, കൊച്ചി, ചെന്നൈ എന്നിവയുടെ സ്ഥാപകനാണ്. ചങ്ങനാശേരി അതിരൂപതയുമായി സഹകരിച്ച് ഏറ്റുമാനൂര് പള്ളിക്കുന്നില് സൈം ഇന്റര്നാഷണല് സ്കൂളും ആരംഭിച്ചു.
ക്രൈസ്തവ വിശ്വാസത്തിലും മൂല്യങ്ങളിലും അടിയുറച്ച സമഗ്രമായ വിദ്യാഭ്യാസദര്ശനം രൂപപ്പെടുത്തുന്നതിന് സ്ഥാപനങ്ങളെ സഹായിക്കുകയും തലമുറകള്ക്കു മാര്ഗദര്ശനം നല്കുകയും ചെയ്ത വ്യക്തിയാണ് ഷെവലിയര് ജെ. ഫിലിപ്പ്.
മാനേജ്മെന്റ് വിദ്യാഭ്യാസരംഗത്തു നല്കിയ നിസ്തുല സംഭാവനകള് പരിഗണിച്ച് നിരവധി അവാര്ഡുകള് നേടിയിട്ടുണ്ട്. ചങ്ങനാശേരി അതിരൂപതയുടെ പരമോന്നത ബഹുമതിയായ അതിരൂപത എക്സലന്സ് അവാര്ഡിന് 2019ല് അര്ഹനായി. ഷെവലിയര് പദവി ലഭിച്ച പ്രഫ. ജെ. ഫിലിപ്പിന് അതിരൂപതയുടെ അഭിനന്ദനങ്ങളും ആശംസകളും അറിയിക്കുന്നതായി ആര്ച്ച്ബിഷപ് മാര് തോമസ് തറയില് അറിയിച്ചു.
Tags : Prof. J. Philip Chevalier awarded Leo XIV
ADVERTISEMENT
ADVERTISEMENT
ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN
Email
Facebook
Whatsapp
Linked In
Telegram