ന്യൂഡൽഹി: വിശുദ്ധ റംസാൻ വ്രതാരംഭത്തിന് തുടക്കമായതോടെ വിശ്വാസികൾക്ക് ആശംസകളുമായി പ്രധാനമന്ത്രി നരേന്ദ്ര മോദി. സമൂഹത്തിൽ ശാന്തിയും സമാധാനവും ഐക്യവും നിലനിൽക്കാൻ ഈ പുണ്യമാസം സഹായിക്കട്ടെയെന്ന് അദ്ദേഹം ആശംസിച്ചു. റംസാൻ മാസത്തിന്റെ പ്രാധാന്യം ഓർമിപ്പിച്ചുകൊണ്ട് എക്സിലൂടെയാണ് അദ്ദേഹം സന്ദേശം പങ്കുവെച്ചത്.
"റംസാൻ ആശംസകൾ നേരുന്നു. ഈ വിശുദ്ധ മാസം ദയയുടെയും ഐക്യത്തിന്റെയും അനുകമ്പയുടെയും ചൈതന്യം നമ്മിൽ നിറയ്ക്കട്ടെ. എല്ലാവർക്കും ആരോഗ്യവും ഐശ്വര്യവും നേരുന്നു" എന്ന് അദ്ദേഹം കുറിച്ചു.
കേരളത്തിലടക്കം ഇന്ന് പുലർച്ചെ മുതൽ വിശ്വാസികൾ വ്രതാനുഷ്ഠാനങ്ങളിലേക്ക് കടന്നിരിക്കുകയാണ്. വ്രതശുദ്ധിയുടെ 30 ദിനങ്ങൾക്ക് ശേഷം ലോകമെങ്ങുമുള്ള ഇസ്ലാം മത വിശ്വാസികൾ ചെറിയ പെരുന്നാൾ ആഘോഷിക്കും. പള്ളികളിലും വീടുകളിലും പ്രാർത്ഥനകൾക്കായി വിപുലമായ സൗകര്യങ്ങളാണ് ഒരുക്കിയിരിക്കുന്നത്.
Tags : Ramzan Prime Minister Narendra Modi