തിരുവനന്തപുരം: സംസ്ഥാനത്ത് ഹയർസെക്കൻഡറി പ്ലസ് വണ് ക്ലാസുകളിൽ അടുത്ത അധ്യയന വർഷം മുതൽ പുതുക്കിയ പാഠപുസ്തകമാവും കുട്ടികൾക്ക് നല്കുകയെന്നു പൊതുവിദ്യാഭ്യാസ മന്ത്രി വി. ശിവൻകുട്ടി. സംസ്ഥാന കരിക്കുലം സ്റ്റിയറിംഗ് കമ്മിറ്റിയോഗം 41 ടൈറ്റിൽ പാഠപുസ്തകങ്ങൾക്ക് അംഗീകാരം നൽകി.
എല്ലാ ഭാഷാവിഷയങ്ങളും, കംപ്യൂട്ടർ സയൻസ്, ജേർണലിസം, ഗാന്ധിയൻ സ്റ്റഡീസ്, ഹോം സയൻസ്, ഇലക്ട്രോണിക്സ് തുടങ്ങിയ വിഷയങ്ങളും ഇതിൽ ഉൾപ്പെടും. 15 വർഷങ്ങൾക്കുശേഷമാണ് സംസ്ഥാനത്തെ ഹയർസെക്കൻഡറി മേഖലയിൽ പാഠപുസ്തകങ്ങൾ പരിഷ്കരിക്കുന്നത്.
ആദ്യഘട്ടത്തിൽ എസ്സിഇആർടിയുടെ പുസ്തകങ്ങളാണ് പരിഷ്കരിക്കുന്നത്. എൻസിഇആർടിയുടെ 44 ടൈറ്റിൽ പാഠപുസ്തകങ്ങൾകൂടി ഹയർസെക്കൻഡറിയിൽ ഉപയോഗിക്കുന്നുണ്ട്.
പരിഷ്കരിച്ച പുസ്തകങ്ങളുടെ പ്രകാശനം മുഖ്യമന്ത്രി പിണറായി വിജയൻ നിർവഹിക്കുമെന്നു മന്ത്രി ശിവൻകുട്ടി അറിയിച്ചു.
Tags : Academic year Revised textbook class 11 Minister v Sivankutty