കോഴിക്കോട്: രാഹുൽ മാങ്കൂട്ടത്തിലിന് എതിരായ നടപടി പാർട്ടി തീരുമാനമെന്ന് ഷാഫി പറമ്പിൽ എംപി. ഇനിയുള്ളത് നിയമപരമായുള്ള കാര്യങ്ങൾ. ജാമ്യം കിട്ടിയാൽ തിരിച്ചെടുക്കുമോ എന്ന കാര്യം കെപിസിസി അധ്യക്ഷൻ പറയും.
ഈ തെരഞ്ഞെടുപ്പിൽ ചർച്ചചെയ്യുന്നത് ശബരിമല സ്വർണക്കൊള്ളയാണ്. ശബരിമല അയ്യപ്പന്റെ സ്വത്തിനുപോലും സുരക്ഷിതത്വമില്ലാത്ത ഒരു കെട്ടകാലം മുമ്പെങ്ങും ഉണ്ടായിട്ടില്ല. അയ്യന്റെ സ്വർണം കട്ടവർ ജയിലിൽ കിടക്കുമ്പോൾ സിപിഎം എന്ത് ന്യായീകരണം പറയും.
സർക്കാർ സ്പോൺസേഡ് കൊള്ളയായിരുന്നു ശബരിമലയിൽ നടന്നത്. സിപിഎം അറിഞ്ഞുകൊണ്ടുള്ള കൊള്ളയാണ് ശബരിമലയിൽ നടന്നതെന്നും ഷാഫി കോഴിക്കോട് മാധ്യമപ്രവര്ത്തകരോട് പറഞ്ഞു.
ശബരിമലയിലെ സ്വര്ണം കാക്കാന് ഉത്തരവാദപ്പെട്ട ദേവസ്വം ബോര്ഡാണ് സ്വര്ണം കവര്ന്നതെന്നും ഷാഫി പറമ്പില് പറഞ്ഞു.
Tags : Shafi Parambil KPCC president Rahul Mamkootathil