തിരുവനന്തപുരം: ശബരിമല സ്വർണക്കൊള്ളയിൽ തന്ത്രി കണ്ഠര് രാജീവരരുടെ അറസ്റ്റിൽ പ്രതികരിച്ച് മുൻ ഡിജിപി ടി.പി.സെൻകുമാർ. അറസ്റ്റ് ദുഖകരമാണ്. എന്നാൽ തന്ത്രി കർമ്മഫലം അനുഭവിച്ചേ തീരൂവെന്നും ബിജെപി നേതാവുകൂടിയായ അദ്ദേഹം പറഞ്ഞു.
അയ്യപ്പന്റെ പിതൃതുല്യമായ സ്ഥാനത്തു നിൽക്കുന്ന തന്ത്രി കുടുംബത്തിലെ ഒരാളുടെ അറസ്റ്റ് ദുഖകരമാണ്. എന്നാൽ 2019 മുതൽ ഇന്നുവരെ അവിടെ നടന്ന അനിഷ്ട സംഭവങ്ങൾ ആരെയും അറിയിക്കാതിരുന്നതുതന്നെ കുറ്റകരമാണെന്നും സെൻകുമാർ ഫേസ്ബുക്കിൽ കുറിച്ചു.
ഉണ്ണികൃഷ്ണൻ പോറ്റി അവിടെ വർഷങ്ങളോളം വിഹരിച്ചത് എങ്ങനെയാണ്. അവനവൻ ചെയ്യുന്ന കർമ്മങ്ങൾക്ക് അവനവൻ തന്നെ പ്രായശ്ചിതം ചെയ്യണമെന്നും അദ്ദേഹം വ്യക്തമാക്കി.
Tags : Sabarimala gold theft Kandararu Rajeevaru Arrest T.p.senkumar