കല്പ്പറ്റ: മേപ്പാടി പോലീസ് സ്റ്റേഷൻ പരിധിയിലെ കരിയാത്തന് കാവ് ക്ഷേത്രത്തില് മോഷണം നടത്തിയ മുഖ്യപ്രതി പിടിയിൽ. കോഴിക്കോട് ഗുരുവായൂരപ്പന് കോളജ് എടക്കാട്ട് പറമ്പ്, മേത്തല് വീട്ടില് അക്ഷയ്കുമാര്(22) ആണ് പിടിയിലായത്.
ബുധനാഴ്ച പാളയം മാര്ക്കറ്റില് നിന്നാണ് പ്രതിയെ പിടികൂടിയത്. ഒക്ടോബർ മാസത്തിലായിരുന്നു കേസിന് ആസ്പദമായ സംഭവം. ക്ഷേത്രത്തിന്റെ വാതില് കുത്തിപ്പൊളിച്ച് ഓഫീസ് മുറിയില് സൂക്ഷിച്ചിരുന്ന രണ്ട് ആംപ്ലിഫയറും ഭണ്ഡാരങ്ങളിൽ നിന്ന് 50,00രൂപയുമാണ് കവർച്ച നടത്തിയത്.
അക്ഷയ്കുമാറിനൊപ്പമുണ്ടായിരുന്ന മറ്റ് പ്രതികളെ നേരത്തെ പിടികൂടിയിരുന്നു. കോഴിക്കോട് സ്വദേശികളായ കെ. മുഹമ്മദ് സിനാന്(20), റിഫാന് (20), എന്നിവരെയും പ്രായപൂര്ത്തിയാവാത്ത ഒരാളെയുമാണ് കേസിൽ ആദ്യം പിടികൂടിയത്.
Tags : kerala police crime news meppadi theft case