കൊച്ചി: എറണാകുളം-അങ്കമാലി അതിരൂപതയുടെ സാമൂഹ്യപ്രവർത്തന വിഭാഗമായ വെൽഫെയർ സർവീസസ് എറണാകുളം -സഹൃദയയുടെ വജ്ര ജൂബിലി വർഷ സമാപനാഘോഷം ഇന്നു നടക്കും. കലൂർ റിന്യൂവൽ സെന്ററിൽ രാവിലെ 11ന് സീറോമലബാർ സഭ മേജർ ആർച്ച്ബിഷപ് മാർ റാഫേൽ തട്ടിലിന്റെ അധ്യക്ഷതയിൽ നടക്കുന്ന സമ്മേളനം ഗവർണർ രാജേന്ദ്ര വിശ്വനാഥ് അർലേക്കർ ഉദ്ഘാടനം ചെയ്യും.
വജ്രജൂബിലി സ്മാരകമായി നിർമിക്കുന്ന 60 ഭവനങ്ങളുടെ നിർമാണപദ്ധതി ഉദ്ഘാടനവും സ്മരണിക പ്രകാശനവും ഗവർണർ നിർവഹിക്കും.
ബിഷപ് മാർ തോമസ് ചക്യത്ത്, അതിരൂപത വികാരി ജനറാൾ റവ.ഡോ. ആന്റോ ചേരാംതുരുത്തി, സഹൃദയ ഡയറക്ടർ ഫാ. ജോസഫ് കൊളുത്തുവെള്ളിൽ, അഡ്വ. ജോബി മാത്യു, സിസ്റ്റർ ആലീസ് ലൂക്കോസ് എന്നിവർ പ്രസംഗിക്കും.
എറണാകുളം, കോട്ടയം, തൃശൂർ, ആലപ്പുഴ ജില്ലകളിലെ സഹൃദയ സംഘാംഗങ്ങൾ, ഗ്രാമതല പ്രതിനിധികൾ, സാമൂഹ്യ പ്രവർത്തകർ എന്നിവരുൾപ്പെടെ 1500 ഓളം പേർ സംഗമത്തിൽ പങ്കെടുക്കും. ഗ്രാമതലങ്ങളിലെ മികച്ച സാമൂഹ്യപ്രവർത്തകരെ ആദരിക്കും. പിന്നണി ഗായകൻ വിപിൻ സേവ്യറിന്റെ നേതൃത്വത്തിലുള്ള മെഗാ ഷോയും ഉണ്ടാകും.
Tags : Diamond Jubilee