സുല്‍ത്താന്‍ ബത്തേരി: മുത്തങ്ങയില്‍ ലോറിയില്‍ പഞ്ചസാര ലോഡിന് മറവില്‍ കടത്തുകയായിരുന്ന 481.74 കിലോഗ്രാം നിരോധിത പുകയില ഉത്പന്നങ്ങൾ എക്‌സൈസ് സംഘം പിടിച്ചെടുത്തു. ഇതുമായി ബന്ധപ്പെട്ട് തമിഴ്‌നാട് പൊള്ളാച്ചി സ്വദേശി കാളിമുത്തുകുമാറിനെ(41) അറസ്റ്റുചെയ്തു.

മുത്തങ്ങയില്‍ എക്സൈസിന്‍റെ വാഹന പരിശോധനയ്ക്കിടെയാണ് ഇയാൾ പിടിയിലായത്. ഇന്‍സ്‌പെക്ടര്‍ എസ്. മഹേഷ്, പ്രിവന്‍റീവ് ഓഫീസര്‍മാരായ എ.സി. പ്രജീഷ്, എ.എം. ബിനുമോന്‍, സിവില്‍ എക്‌സൈസ് ഓഫീസര്‍ പി.പി. ജിതിന്‍, കെ.സി. അരുണ്‍ എന്നിവരടങ്ങുന്ന സംഘമാണ് വാഹനപരിശോധന നടത്തിയത്.

Tags : Tobacco Excise department