ന്യൂഡൽഹി: കേന്ദ്ര ബജറ്റിനു മുന്നോടിയായി സംസ്ഥാന ധനമന്ത്രിമാരുമായി നിർമല സീതാരാമൻ ഇന്ന് ചർച്ച നടത്തും. സംസ്ഥാനങ്ങളുടെ ആവശ്യങ്ങളും നിർദേശങ്ങളും തേടിയാണ് കേന്ദ്ര ധനമന്ത്രി യോഗം വിളിച്ചത്.
വൈകുന്നേരം മൂന്നിന് ധനകാര്യ മന്ത്രാലയത്തിൽ വച്ചാണ് യോഗം. കാലാകാലങ്ങളായി കേരളം ആവശ്യപ്പെടുന്ന എയിംസ് അടക്കമുള്ള കാര്യങ്ങൾ കെ.എൻ.ബാലഗോപാൽ യോഗത്തിൽ ഉന്നയിക്കും. ഒപ്പം ബജറ്റിൽ സംസ്ഥാനത്തിന് വേണ്ട പരിഗണന ലഭിക്കണമെന്നും അദ്ദേഹം ആവശ്യപ്പെടും.
ഈ മാസം 28നാണ് പാർലമെന്റ് ബജറ്റ് സമ്മേളനം ആരംഭിക്കുന്നത്. ഫെബ്രുവരി ഒന്നിന് ഞായറാഴ്ചയാണ് ബജറ്റ് അവതരിപ്പിക്കുക. ബജറ്റിന് രാഷ്ട്രപതി ദ്രൗപതി മുർമു കഴിഞ്ഞ ദിവസം അംഗീകാരം നൽകിയിരുന്നു.
Tags : Union Budget Nirmala Sitharaman K.N.Balagopal